എരുമേലി പഞ്ചായത്ത് ഓഫീസില്‍ കോണ്‍ഫറന്‍സ് ഹാളിലെ ബാറ്ററി പൊട്ടിത്തെറിച്ച്‌ ജീവനക്കാരിക്ക് പരിക്ക്; അപകടം വൈദ്യുതി നിലച്ചതിനെത്തുടര്‍ന്ന് യുപിഎസ് ഓണാക്കിയപ്പോള്‍

സ്വന്തം ലേഖിക

എരുമേലി: എംഎല്‍എ പങ്കെടുത്തുകൊണ്ടിരുന്ന യോഗത്തില്‍ വൈദ്യുതി നിലച്ചതിനെത്തുടര്‍ന്നു യുപിഎസ് ഓണാക്കിയപ്പോള്‍ ബാറ്ററി പൊട്ടിത്തെറിച്ച്‌ ജീവനക്കാരിക്ക് പരിക്ക്.

ഇന്നലെ രാവിലെ എരുമേലി പഞ്ചായത്ത്‌ ഓഫീസിലാണ് സംഭവം.

കോണ്‍ഫറന്‍സ് ഹാളിലെ ബാറ്ററിയാണ് പൊട്ടിത്തെറിച്ചത്.

ബാറ്ററിയില്‍ നിന്നു ആസിഡ് തെറിച്ച്‌ ഓഫീസിലെ പ്രൊജക്‌ട് അസിസ്റ്റന്‍റ് അഞ്ജലി (30) യുടെ കണ്ണിലും മുഖത്തും പതിച്ചു.

ഇവരെ ഉടന്‍ ആശുപത്രിയിലെത്തിച്ച്‌ ചികിത്സ നല്‍കി.