കോട്ടയം: വളരെ എളുപ്പത്തില് സ്വാദോടെ തയ്യാറാക്കാവുന്ന ഒരു ചിക്കൻ കബ്സയുടെ റെസിപ്പി നോക്കിയാലോ?
ആവശ്യമായ ചേരുവകള്
ചിക്കൻ – 1 (4-8 കഷണങ്ങളായി മുറിച്ചത്)
Whatsapp Group 1 | Whatsapp Group 2 |Telegram Group
വെണ്ണ – 1/4 കപ്പ്
ഏലക്ക – 2
കറുവപ്പട്ട – 2 ചെറിയ കഷണങ്ങള്
ഗ്രാമ്ബൂ – 3
കുരുമുളക് (പൊടിക്കാതെ) – 1/4 ടീസ്പൂണ്
ഉള്ളി – 2, ചെറുതായി അരിഞ്ഞത്
പച്ചമുളക് – 2
ഇഞ്ചി വെളുത്തുള്ളി പേസ്റ്റ് – 2 ടീസ്പൂണ്
ചുവന്ന മുളകുപൊടി – 1 1/4 ടീസ്പൂണ്
മല്ലിപ്പൊടി – 1 1/2 ടീസ്പൂണ്
ഗരം മസാലപ്പൊടി – 1/2ടീസ്പൂണ്
കുരുമുളക് പൊടി – 1 1/2 ടീസ്പൂണ്
ഉണങ്ങിയ നാരങ്ങ – 1/2(പൊടിച്ചത്)
തക്കാളി – 2 (അരച്ചെടുക്കുക )
ബസ്മതി അരി – 3 കപ്പ് (അര മണിക്കൂർ വെള്ളത്തില് കുതിർത്ത് വെള്ളം കളഴുക)
കാരറ്റ് – 2,ഗ്റേറ്റ് ചെയ്തത്
ബദാം – 3 ടേബിള്സ്പൂണ് (നീളത്തില് അരിഞ്ഞ് വറുത്തത്)
വെള്ളം – ആവശ്യത്തിന്
ഉപ്പ് – ആവശ്യത്തിന്
മല്ലിയില – 2 ടേബിള്സ്പൂണ്
എണ്ണ – 3 ടേബിള്സ്പൂണ്
തയാറാക്കുന്ന വിധം
ആഴത്തിലുള്ള പാത്രത്തില് വെണ്ണ ചൂടാക്കി, ഏലം, കറുവപ്പട്ട, ഗ്രാമ്ബൂ, കുരുമുളക് എന്നിവ ചേർത്ത് ഇളക്കുക. അരിഞ്ഞ ഉള്ളി, പച്ചമുളക്, ഇഞ്ചി വെളുത്തുള്ളി പേസ്റ്റ്, ആവശ്യത്തിന് ഉപ്പ് എന്നിവ ചേർത്ത് സ്വർണ്ണ നിറം വരെ വഴറ്റുക. ഇതിലേക്ക് എല്ലാ മസാല പൊടികളും ഉണങ്ങിയ നാരങ്ങയും ചേർത്ത് മുകളില് എണ്ണ തെളിയുന്നതുവരെ വഴറ്റുക. ഇതിലേക്ക് തക്കാളി പ്യൂരി ചേർത്ത് തിളപ്പിക്കുക. കട്ടിയാകുമ്ബോള്, ചിക്കൻ കഷണങ്ങള് ചേർത്ത് ഉയർന്ന ചൂടില്, ഇടക്കിടെ ഇളക്കി, ഏകദേശം 4-5 മിനിറ്റ് വേവിക്കുക.
ഇതിലേക്ക് 3 കപ്പ് വെള്ളം ചേർത്ത് തിളപ്പിക്കുക, ശേഷം ചെറിയ തീയില് അടച്ചുവെച്ച് ചിക്കൻ വേവിക്കുക. ചിക്കൻ കഷണങ്ങള് അതില് നിന്ന് നീക്കം ചെയ്യുക. ഒരു പാനില് 2-3 ടേബിള്സ്പൂണ് എണ്ണ ചൂടാക്കി, വേവിച്ച ചിക്കൻ കഷണങ്ങള് 5-6 മിനിറ്റ് ഉയർന്ന തീയില് വശങ്ങള് തിരിച്ച് വറുത്ത് മാറ്റിവെക്കുക. ചിക്കൻ വേവിച്ച ഗ്രേവിയിലേക്ക് 2 – 2 1/2കപ്പ് വെള്ളം ചേർത്ത് ഉയർന്ന തീയില് തിളപ്പിക്കുക. കുതിർത്ത അരിയും കാരറ്റും ഇതിലേക്ക് ചേർത്ത് ആവശ്യമെങ്കില് കൂടുതല് ഉപ്പ് ചേർത്ത് തീ കുറച്ചു വേവിക്കുക. വറുത്ത ചിക്കൻ കഷ്ണങ്ങള്, വറുത്ത ബദാം, മല്ലിയില എന്നിവ ചേർത്ത് നന്നായി ഇളക്കി കുറഞ്ഞ തീയില് 3 മിനിറ്റ് കൂടി മൂടി വെച്ച് വേവിക്കുക.
