നീല, വെള്ള കാർഡുകാർക്ക് മുൻഗണനാ വിഭാഗത്തിൽപ്പെട്ട പിങ്ക് (പിഎച്ച്എച്ച്) കാർഡിലേക്ക് മാറാനുള്ള അപേക്ഷ സ്വീകരിക്കുന്ന തീയതി 28 വരെ നീട്ടി. അപേക്ഷകൻരുടെ മാർക്ക് കണക്കാക്കിയാണ് കാർഡ് നൽകേണ്ടതിന്റെ മുൻഗണന നിശ്ചയിക്കുന്നത്.
ആളു കുറവായാൽ മാനദണ്ഡം നോക്കാതെ കാർഡ് അനുവദിക്കാനുള്ള സാധ്യതയുമുണ്ട്. അതിനാൽ, സർട്ടിഫിക്കറ്റുകളും മുഴുവൻ രേഖകളും ലഭിക്കാത്തവരുടെ അപേക്ഷകളും അക്ഷയകേന്ദ്രങ്ങൾ ഓൺലൈനായി നൽകുന്നുണ്ട്.
ഹാജരാക്കേണ്ട രേഖകൾ ഇവയൊക്കെ
Whatsapp Group 1 | Whatsapp Group 2 |Telegram Group
ആശ്രയ വിഭാഗം: ഗ്രാമപ്പഞ്ചായത്തു സെക്രട്ടറിയുടെ സാക്ഷ്യപത്രം.
ഡയാലിസിസ് ഉൾപ്പെടെ ഗുരുതര, മാരക രോഗം ഉള്ളവർ: ചികിത്സാരേഖകളുടെ പകർപ്പ്.
പട്ടിക ജാതി-വർഗം: തഹസിൽദാരുടെ ജാതി സർട്ടിഫിക്കറ്റ്.
ഗൃഹനാഥ വിധവയാണെങ്കിൽ: വില്ലേജ് ഓഫീസറുടെ നോൺ റീമാരേജ് സർട്ടിഫിക്കറ്റ്, നിലവിലെ പെൻഷൻ രേഖകൾ.
സ്വന്തമായി സ്ഥലമില്ലാത്തവർ: വില്ലേജ് ഓഫീസറുടെ ഭൂരഹിത സർട്ടിഫിക്കറ്റ്.
2009-ലെ ബിപിഎൽ പട്ടികയിൽ ഉള്പ്പെട്ടിട്ടില്ലാത്ത, ഉൾപ്പെടാൻ അർഹതയുള്ളവർ: ഗ്രാമപ്പഞ്ചായത്തു സെക്രട്ടറിയുടെ സാക്ഷ്യപത്രം.
ഏതെങ്കിലും ഭവനപദ്ധതി പ്രകാരം വീടു ലഭിച്ചിട്ടുണ്ടെങ്കിൽ: വീടു നൽകിയ വകുപ്പിന്റെ സാക്ഷ്യപത്രം.
റേഷൻകാർഡിൽ രേഖപ്പെടുത്തിയ വരുമാനത്തിൽ കുറവുണ്ടെങ്കിൽ: വരുമാന സർട്ടിഫിക്കറ്റ്.
റേഷൻകാർഡിൽ നൽകിയിട്ടുള്ള കെട്ടിട വിസ്തീർണത്തിൽ കുറവുണ്ടെങ്കിൽ: വീടിന്റെ വിസ്തീർണം കാണിക്കുന്ന പഞ്ചായത്തു സെക്രട്ടറിയുടെ സാമക്ഷ്യപത്രം.
2009-ലെ ബിപിഎൽ പട്ടികയിൽ ഉൾപ്പെട്ട കുടുംബമാണെങ്കിൽ: പഞ്ചായത്തു സെക്രട്ടറിയുടെ സാക്ഷ്യപത്രം.
സ്വന്തമായി വീടില്ലെങ്കിൽ: പഞ്ചായത്തു സെക്രട്ടറിയുടെ ഭവനരഹിത സാക്ഷ്യപത്രം.
ഭിന്നശേഷിക്കാർ: ഭിന്നശേഷി തെളിയിക്കുന്ന മെഡിക്കൽ/ഡിസെബിലിറ്റി സർട്ടിഫിക്കറ്റ്.
