പ്രശസ്ത സംവിധായകന് പി ഭാരതിരാജ അന്തരിച്ചു. 84 വയസായിരുന്നു അദ്ദേഹത്തിന്. വാര്ദ്ധക്യസഹജമായ അസുഖങ്ങളെ തുടര്ന്ന് ഏറെ നാളായി ചികിത്സയിലായിരുന്നു. സൂപ്പര് ഹിറ്റ് സിനിമകളുടെ പരമ്പര ഒരുക്കിയ സംവിധായകനാണ് ഭാരതിരാജ. ഗ്രാമത്തിന്റെ ചൂരുള്ള കഥകളിലൂടെ തമിഴ് സിനിമയുടെ പ്രശസ്തി ലോകമെങ്ങും പടർത്തിയ സംവിധായകനാണ് ഭാരതിരാജ. കഴിഞ്ഞ വര്ഷം മാര്ച്ചില് ഭാരതിരാജയുടെ മകന് മനോജ് ഭാരതിരാജ അന്തരിച്ചിരുന്നു. ഹൃദയാഘാതത്തെ തുടര്ന്നായിരുന്നു മനോജിന്റെ മരണം. മകന്റെ മരണം ഭാരതിരാജയെ വൈകാരികമായി തളര്ത്തിയിരുന്നു. അതിന് പിന്നാലെയാണ് ഇപ്പോൾ അദ്ദേഹവും വിടവാങ്ങിയത്.
ഗ്രാമീണ കഥകള്ക്ക് പുനര്വിര്വചനം നല്കുകയും നിരവധി സിനിമകളെ സിനിമയിലേക്ക് കൊണ്ടുവരികയും ചെയ്ത സംവിധായകനാണ് ഭാരതിരാജ. തമിഴ്സിനിമയിലെ ഏറ്റവും സ്വാധീനമുള്ള ചലച്ചിത്രകാരന്മാരില് ഒരാളായാണ് അദ്ദേഹത്തെ കാണുന്നത്. 1977ല് പതിനാറ് വയതിനിലെ എന്ന ചിത്രമൊരുക്കി ഭാരതിരാജ സംവിധാന രംഗത്ത് തുടക്കം കുറിച്ചു. രജനികാന്തിനെയും കമല്ഹാസനെയും കേന്ദ്രകഥാപാത്രമാക്കിയാണ് ഈ ചിത്രം ഒരുക്കിയത്. ഇതിന്റെ തിരക്കഥ ഒരുക്കിയിരുന്നതും ഭാരതിരാജയായിരുന്നു. ആദ്യ സിനിമയില് തന്നെ മികച്ച സംവിധായകനുള്ള സംസ്ഥാന പുരസ്കാരം ഭാരതിരാജ സ്വന്തമാക്കി.
പുതിയ വാര്പ്പുകള്, നിറം മാറാത്ത പൂക്കള്, റെഡ് റോസ്, നിഴല്ഗള്, അലൈകള് ഒയ്വതല്ലൈ, ടിക് ടിക് ടിക്, കാതല് ഓവിയം, വാലിബമേ വാ വാ, മന് വാസനൈ, പുതുമൈ പെണ്ണ്, കിഴക്ക് ചീമയിലെ തുടങ്ങി നിരവധി ചിത്രങ്ങള് അദ്ദേഹം സംവിധാനം ചെയ്തു. ഇരുപത്തിയൊന്നോളം ചിത്രങ്ങളില് അദ്ദേഹം അഭിനയിച്ചു. മോഹന്ലാല് കേന്ദ്ര കഥാപാത്രമായി എത്തിയ തുടരും എന്ന ചിത്രത്തില് പഴയകാല സ്റ്റണ്ട് മാസ്റ്ററുടെ വേഷത്തില് ഭാരതിരാജ എത്തിയിരുന്നു. ആറ് തവണ ദേശീയ പുരസ്കാരങ്ങള് ലഭിച്ചിട്ടുണ്ട്. 2004ല് രാജ്യം പത്മശ്രീ പുരസ്കാരം ലഭിച്ചു. 2013ലെ കേരള സംസ്ഥാന ചലച്ചിത്ര അവാര്ഡ് നിര്ണയ ജൂറി ചെയര്മാനായും പ്രവര്ത്തിച്ചിട്ടുണ്ട്.
Whatsapp Group 1 | Whatsapp Group 2 |Telegram Group
