ആകാശ എയർ; കൊച്ചി – ബെംഗളൂരു പ്രതിദിന സർവീസ് ഓഗസ്റ്റ് 13 മുതൽ

കണ്ണൂർ: രാജ്യത്തെ ഏറ്റവും പുതിയ വിമാനക്കമ്പനിയായ ആകാശ എയർ ടിക്കറ്റ് നിരക്കുകളിൽ വിപ്ലവകരമായ കുറവോടെ ടിക്കറ്റ് ബുക്കിംഗ് ആരംഭിച്ചു. ഓഗസ്റ്റ് ഏഴിന് വിമാനം സർവീസ് ആരംഭിക്കും. മുംബൈ, അഹമ്മദാബാദ്, ബെംഗളൂരു, കൊച്ചി എന്നീ സംസ്ഥാനങ്ങളെയാണ് വിമാനം ബന്ധിപ്പിക്കുക. കേരളത്തിൽ കൊച്ചിയിൽ നിന്ന് പ്രതിദിന സർവീസുകൾ പ്രഖ്യാപിച്ചിട്ടുണ്ട്. ഓഗസ്റ്റ് 13 മുതൽ കൊച്ചി-ബെംഗളൂരു സർവീസ് ആരംഭിക്കും.

ഓഗസ്റ്റ് ഏഴിന് രാവിലെ 10.05ന് മുംബൈയിൽ നിന്ന് അഹമ്മദാബാദിലേക്ക് ആകാശിന്‍റെ ഉദ്ഘാടന സർവീസ് നടത്തും. ബുധനാഴ്ച ഒഴികെയുള്ള എല്ലാ ദിവസങ്ങളിലും സർവീസ് നടത്തും. വ്യോമപാത തുറന്ന ദിവസം മുതൽ ഇതേ റൂട്ടിൽ മറ്റൊരു പ്രതിദിന സർവീസ് പ്രഖ്യാപിച്ചിട്ടുണ്ട്. ഓഗസ്റ്റ് 13 മുതൽ കൊച്ചി-ബെംഗളൂരു, ബെംഗളൂരു-കൊച്ചി റൂട്ടുകളിൽ പ്രതിദിനം രണ്ട് സർവീസുകൾ ആരംഭിക്കും. തുടക്കത്തിൽ ആഴ്ചയിൽ 28 സർവീസുകളുണ്ടാകും.

കൊച്ചി-ബെംഗളൂരു റൂട്ടിൽ 3,282 രൂപ മുതലാണ് നിരക്ക് ആരംഭിച്ചത്. നിലവിൽ ഈ റൂട്ടിലെ ഏറ്റവും കുറഞ്ഞ നിരക്ക് ഏകദേശം 3,500 രൂപയാണ്. മുംബൈ-അഹമ്മദാബാദ് റൂട്ടിൽ 3,948 രൂപ മുതലാണ് ടിക്കറ്റ് നിരക്ക്. നിലവിൽ ഈ റൂട്ടിലെ ഏറ്റവും കുറഞ്ഞ നിരക്ക് 4300 രൂപയ്ക്കടുത്താണ്.