![കോടിയും വെറ്റിലയും പാക്കും വച്ച് സുരേഷ് ഗോപിയുടെ അനുഗ്രഹം വാങ്ങി നടി ശ്രീവിദ്യ മുല്ലചേരി ; ആദ്യത്തെ കല്യാണക്കുറി നൽകാനായതിൻ്റെ സന്തോഷത്തിൽ നടി കോടിയും വെറ്റിലയും പാക്കും വച്ച് സുരേഷ് ഗോപിയുടെ അനുഗ്രഹം വാങ്ങി നടി ശ്രീവിദ്യ മുല്ലചേരി ; ആദ്യത്തെ കല്യാണക്കുറി നൽകാനായതിൻ്റെ സന്തോഷത്തിൽ നടി](https://i0.wp.com/thirdeyenewslive.com/storage/2024/07/WhatsApp-Image-2024-07-23-at-22.48.34.jpeg?fit=1199%2C1600&ssl=1)
കോടിയും വെറ്റിലയും പാക്കും വച്ച് സുരേഷ് ഗോപിയുടെ അനുഗ്രഹം വാങ്ങി നടി ശ്രീവിദ്യ മുല്ലചേരി ; ആദ്യത്തെ കല്യാണക്കുറി നൽകാനായതിൻ്റെ സന്തോഷത്തിൽ നടി
സ്വന്തം ലേഖകൻ
നടനും കേന്ദ്രമന്ത്രിയുമായ സുരേഷ് ഗോപിയെ വിവാഹം ക്ഷണിച്ചതിൻ്റെ സന്തോഷം പങ്കുവെച്ച് നടി ശ്രീവിദ്യ മുല്ലചേരി. പ്രതിശ്രുത വരൻ രാഹുൽ രാമചന്ദ്രനൊപ്പമാണ് ശ്രീവിദ്യ മുല്ലചേരി സുരേഷ് ഗോപിയെ കണ്ട് കല്യാണം ക്ഷണിച്ചത്. ആദ്യത്തെ കല്യാണക്കുറി സുരേഷ് ഗോപിക്ക് നൽകാനായതിൻ്റെ സന്തോഷത്തിലാണ് നടി.
തൃശൂരിലെ വസതിയിലെത്തിയാണ് ഇരുവരും സുരേഷ് ഗോപിയെ ക്ഷണിച്ചത്. കല്യാണക്കുറി ആദ്യം സുരേഷ് ഗോപിക്ക് കൊടുത്തുകൊണ്ട് അനുഗ്രഹം വാങ്ങണമെന്നത് തങ്ങളുടെ വലിയ ആഗ്രഹമായിരുന്നുവെന്ന് യൂട്യൂബ് ചാനലിൽ പങ്കുവെച്ച വിഡിയോയിൽ ശ്രീവിദ്യയും രാഹുലും പറഞ്ഞു.
Whatsapp Group 1 | Whatsapp Group 2 |Telegram Group
![](https://i0.wp.com/thirdeyenewslive.com/storage/2021/06/oxiaug.jpg?fit=1600%2C1600&ssl=1)
കോടിയും വെറ്റിലയും പാക്കും ഉൾപ്പെടുന്ന തട്ട് ഇരുവരും ചേർന്ന് സുരേഷ് ഗോപിക്ക് കൈമാറി. സുരേഷ് ഗോപിക്കൊപ്പം ഇരുവരും ഭക്ഷണവും കഴിച്ചു. സുരേഷ് ഗോപിയുടെ കാൽതൊട്ട് അനുഗ്രഹം വാങ്ങണമെന്ന് ആഗ്രഹമുണ്ടായിരുന്നുവെന്നും എന്നാൽ അത് കല്യാണത്തിന് മതിയെന്ന് അദ്ദേഹം പറഞ്ഞുവെന്നും നടി അറിയിച്ചു. ഇതോടെ അങ്ങനെ മതിയെന്ന് തീരുമാനിക്കുകയായിരുന്നുവെന്ന് ശ്രീവിദ്യ കൂട്ടിച്ചേർത്തു.
സെപ്തംബർ എട്ടിന് എറണാകുളത്തുവെച്ചാണ് ശ്രീവിദ്യയും രാഹുലും വിവാഹിതരാകുന്നത്. ‘ക്യാംപസ് ഡയറി’ എന്ന ചിത്രത്തിലൂടെ അരങ്ങേറ്റം കുറിച്ച ശ്രീവിദ്യ ‘ഒരു കുട്ടനാടൻ ബ്ലോഗ്’, ‘ഒരു പഴയ ബോംബ് കഥ’, ‘നൈറ്റ് ഡ്രൈവ്’ തുടങ്ങിയ നിരവധി ചിത്രങ്ങളിലും വേഷമിട്ടിട്ടുണ്ട്. സംവിധായകനും തിരക്കഥാകൃത്തുമായ രാഹുൽ സുരേഷ് ഗോപിയെ നായകനാക്കി ചിത്രമൊരുക്കാനുള്ള തയാറെടുപ്പിലാണ്.