കോണ്ഗ്രസിലെ മുഖ്യമന്ത്രി ചര്ച്ച തുടരുന്നതിനിടെ എംഎല്എമാരുടെ പിന്തുണ രേഖപ്പെടുത്തിയ എഐസിസി നിരീക്ഷകരുടെ പട്ടിക പുറത്ത്. കെസിസിസി പ്രസിഡന്റ് സണ്ണി ജോ
സഫ്, ടി സിദിഖ് ,സന്ദീപ് വാര്യര് തുടങ്ങിയവര് കെസി വേണുഗോപാലിനെ ആണ് പിന്തുണയ്ക്കുന്നത്. അഡ്വ. സജീവ് ജോസഫ്, അഡ്വ ടിഒ മോഹനന്, ഉഷ വിജയന്, ടി സിദ്ദിഖ് എന്നിവര് കെസി വേണുഗോപാലിനെ പിന്തുണയ്ക്കുന്നതായാണ് പട്ടികയില് കാണുന്നത്. ഐസി ബാലകൃഷ്ണന് കെസിയേയും ചെന്നിത്തലയേയും പിന്തുണയ്ക്കുന്നതായാണ് ചിത്രത്തില് നിന്ന് വ്യക്തമാകുന്നത്.
അഭിപ്രായം പറയുന്നത് ജനാധിപത്യത്തിന്റെ സൗന്ദര്യമെന്നായിരുന്നു വിഷയത്തില് സന്ദീപ് വാര്യരുടെ പ്രതികരണം. മുകുള് വാസ്നിക്കിന്റെ കയ്യിലുള്ള പട്ടികയുടെ ചിത്രം പുറത്തു വന്നത് കണ്ടിട്ടില്ല. ആര്ക്കാണ് പിന്തുണ എന്നത് പുറത്തു പറയാനില്ല. കോണ്ഗ്രസ് ജനാധിപത്യ പാര്ട്ടി. എംഎല്എ മാരോട് അഭിപ്രായം ചോദിച്ചാണ് തീരുമാനം എടുക്കുകയെന്നും സന്ദീപ് വാര്യർ പറഞ്ഞു. അതേസമയം എഐസിസി നിരീക്ഷകരുടെ റിപ്പോര്ട്ട് ഇന്ന് ഹൈക്കമാന്ഡിന് സമര്പ്പിക്കും. മുഖ്യമന്ത്രി ചര്ച്ചകളില് ഹൈക്കമാന്ഡ് ഉചിതമായ തീരുമാനം എടുക്കുമെന്നും കെപിസിസി അധ്യക്ഷന് സണ്ണി ജോസഫ് പറഞ്ഞു.
Whatsapp Group 1 | Whatsapp Group 2 |Telegram Group
