തിരുവനന്തപുരം: സംസ്ഥാനത്ത് വെള്ളിയാഴ്ച വരെ ഉയര്ന്ന താപനില മുന്നറിയിപ്പ്. ജാഗ്രതയുടെ ഭാഗമായി 12 ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.
ഈ ദിവസങ്ങളില് പാലക്കാട് ജില്ലയില് ഉയര്ന്ന താപനില 40 °C വരെയും കൊല്ലം ജില്ലയില് 39 °C വരെയും രേഖപ്പെടുത്താന് സാധ്യതയെന്നും കാലാവസ്ഥ വകുപ്പ് അറിയിച്ചു.
കോട്ടയം ജില്ലയില് 38 °C വരെയും ആലപ്പുഴ, പത്തനംതിട്ട, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് 37 °C വരെയും ഉയര്ന്ന താപനില രേഖപ്പെടുത്തുമെന്നാണ് പ്രവചനം. തിരുവനന്തപുരം ജില്ലയില് 36°C വരെയും ഉയരാന് സാധ്യതയുണ്ട്.
Whatsapp Group 1 | Whatsapp Group 2 |Telegram Group
സാധാരണയെക്കാള് 3 മുതല് നാലു ഡിഗ്രി സെല്ഷ്യസ് വരെ ചൂട് കൂടാന് സാധ്യതയുള്ളതിനാല് ജാഗ്രത പാലിക്കണം. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് മലയോര മേഖലകളിലൊഴികെ, ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയെന്നും മുന്നറിയിപ്പില് പറയുന്നു.
ശനിയാഴ്ച വരെ വിവിധ ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും സാധ്യതയുണ്ട്. വൈകുന്നേരമാണ് മഴയ്ക്കുള്ള സാധ്യത നിലനില്ക്കുന്നത്. ഇടിമിന്നല് അപകടകാരിയായതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
