പാലസ്‌തീൻ ഐക്യദാർഢ്യ റാലി നാളെ കോട്ടയത്ത്‌; മഹല്ല് ജമാ അത്ത് അംഗങ്ങൾ റാലിയിൽ അണിനിരക്കും; റാലി തുടങ്ങുന്നത് വൈകുന്നേരം 4 30ന് താജ് ജുമാ മസ്ജിദിൽ നിന്ന്

സ്വന്തം ലേഖിക

കോട്ടയം : പാലസ്തീനിൽ പിഞ്ചു കുഞ്ഞങ്ങളെയും ഗർഭിണികളെയും അടക്കം ക്രൂരമായി കൊന്നു തള്ളുന്ന ഇസ്രായേലിന്റെ യുദ്ധത്തിനെതിരെ മനുഷ്യ മനസാക്ഷിയുടെ ശ്രദ്ധ നേടുന്നതിനായി പാലസ്‌തീൻ ഐക്യദാർഢ്യ റാലി നാളെ കോട്ടയത്ത്‌.

കോട്ടയം താലൂക്ക് മഹല്ല് കോഡിനേഷന്റെയും ഇസ്ലാമിക മത സാംസ്കാരിക സമുദായ സാമൂഹിക സംഘടനകളുടെയും നേതൃത്വത്തിൽ പാലസ്തീൻ ഐക്യദാർഢ്യ റാലി നാളെ (20/10/23) വൈകുന്നേരം 4 30ന് താജ് ജുമാ മസ്ജിദിൽ നിന്ന് ആരംഭിക്കും. റാലിയിൽ വിവിധ മഹല്ല് ജമാ അത്ത് അംഗങ്ങൾ അണിനിരക്കും.

റാലിക്കു ശേഷം നടക്കുന്ന യോഗത്തിൽ തിരുനക്കര പുത്തൻപള്ളി ഇമാം,മഅമൂൻ ഹുദവി താജ് ജുമാ മസ്ജിദ് ഇമാം നിഷാദ് മൗലവി അൽഘാസിമി , താഴത്തങ്ങാടി ജുമാ മസ്ജിദ് ഇമാം ഷെഫീഖ് മാന്നാനി , സേട്ട് ജുമാമസ്ജിദ് ഇമാം സാദിക്ക് മാന്നാനി ,, ഏറ്റുമാനൂർ കൈതമല ജുമാ മസ്ജിദ് ഇമാം എന്നിവർ പ്രസംഗിക്കും.