സ്വന്തം ലേഖകൻ കൊച്ചി: നടൻ സൗബിൻ സാഹിർ അറസ്റ്റിൽ. സാഹിറിനെതിരെ കയ്യേറ്റത്തിനാണ് പോലീസ് കേസെടുത്തത് കൊച്ചിയിലെ ഫ്ളാറ്റിലെ പാർക്കിങ് തർക്കത്തെ ചൊല്ലി സെക്യൂരിറ്റി ജീവനക്കാരനെ മർദ്ദിച്ച കേസിലാണ് സൗബിനെ അറസ്റ്റ് ചെയ്തത്. കൊച്ചി തേവരയിലെ ചാക്കോളാസ് ഫ്ളാറ്റിന് മുന്നിൽ സൗബിൻ കാർ പാർക്ക് ചെയ്യാൻ ശ്രമിച്ചതിനെ തുടർന്നാണ് വാക്കേറ്റവും കയ്യാങ്കളിയും നടന്നത്. സെക്യൂരിറ്റി ജീവനക്കാരൻ പരാതിയിൽ ഉറച്ചു നിന്നതോടെയാണ് സൗബിനെ അറസ്റ്റ് ചെയ്യേണ്ടി വന്നത്.
സ്വന്തം ലേഖകൻ തിരുവനന്തപുരം: ശബരിമല യുവതീ പ്രവേശനത്തിൽ പ്രതിഷേധിച്ച് സംസ്ഥാനത്ത് നടന്ന ഹർത്താലിന്റെ ഇടയിൽ മോഷണവും. ഹർത്താൽ അനുകൂല പ്രകടനത്തിനിടെ തിരുവനന്തപുരം വഞ്ചിയൂർ എസ്.ഐയുടെ ഫോണാണ് ബി.ജെ.പി പ്രവർത്തകർ മോഷ്ടിച്ചത്. സംഭവത്തിൽ പത്തു ബി.ജെ.പി പ്രവർത്തകരെ പൊലീസ് അറസ്റ്റു ചെയ്തിട്ടുണ്ട്. ഹർത്താലിനിടെ അക്രമം നടത്തിയവരുടെ ചിത്രങ്ങൾ എസ്.ഐ പകർത്തിയത് ഔദ്യോഗിക സിം ഉൾപ്പെട്ട ഈ ഫോണിലായിരുന്നു. അതേസമയം ബി.ജെ.പി പിന്തുണയോടെ ശബരിമല കർസമിതി നടത്തിയ ഹർത്താലിന്റെ സമയം കഴിഞ്ഞിട്ടും അക്രമങ്ങൾ തുടരുകയായിരുന്നു. സംസ്ഥാനത്തുടനീളം വ്യാപക അക്രമമാണ് സംഘപരിവാർ അഴിച്ചുവിട്ടത്. വിവിധ പാർട്ടി ഓഫീസുകൾക്ക് നേരെയും […]
സ്‌പോട്‌സ് ഡെസ്‌ക് സിഡ്‌നി: ഇന്ത്യയുടെ ഓസ്‌ട്രേലിയൻ പര്യടനത്തിലെ അവസാന ടെസ്റ്റിൽ പിടിമുറുക്കി ഇന്ത്യ. അഞ്ഞൂറിനടുത്തെത്തിയ സ്‌കോറുമായി ഇന്ത്യ ടെസ്റ്റിൽ രണ്ടാം ദിനം തന്നെ പിടിമുറുക്കി. ഇനി ഈ ടെസ്റ്റിൽ ഇന്ത്യ പരാജയപ്പെടണമെങ്കിൽ അത്ഭുതങ്ങൾ തന്നെ സംഭവിക്കണം. ഇരട്ടസെഞ്ച്വറിയ്ക്ക് ഏഴുറണ്ണകലെ ചേതേശ്വർ പൂജാര വീണത് ഇന്ത്യയ്ക്ക് ചെറിയ തിരിച്ചടിയായി. പകരം നങ്കൂരമിട്ട ഋഷഭ് പന്ത് സെഞ്ച്വറിയും, രവീന്ദ്ര ജഡേജ അർദ്ധ സെഞ്ച്വറിയുമായി കളം നിറഞ്ഞതോടെ ഇന്ത്യ പടുകൂറ്റൻ സ്‌കോർ ഉറച്ചു. സ്പിന്നർമാർക്ക് അനുകൂലമാകുമെന്ന് കരുതിയ സിഡ്‌നിയിലെ പിച്ചിൽ പിടിമുറുക്കിയത് പക്ഷേ, ഇന്ത്യൻ ബാറ്റ്‌സ്മാൻമാരാണ്. ആദ്യ ദിനം […]
സ്വന്തം ലേഖകൻ ന്യൂഡൽഹി: ശബരിമലയിൽ യുവതികളുടെ പ്രവേശനത്തിന് എതിരല്ലെന്നും വിശ്വാസികളായ സ്ത്രീകൾക്ക് പോകാമെന്നും ബിജെപി നേതാവും രാജ്യസഭാംഗവുമായി വി. മുരളീധരൻ. ദേശീയ ചാനൽ ചർച്ചയിലാണ് മുരളീധരൻ ഇക്കാര്യം വ്യക്തമാക്കിയത്. വിശ്വാസി എന്ന നിലയിൽ ശബരിമലയിൽ സ്ത്രീകൾ പ്രവേശിക്കുവാൻ ആഗ്രഹിച്ചാൽ അതിൽ പ്രശ്‌നമില്ല. വിശ്വാസികളായി എത്തുന്ന സ്ത്രീകൾക്ക് ശബരിമല പ്രവേശനം സാധ്യമാക്കുക എന്നത് സർക്കാരിന്റേയും പോലീസിന്റേയും ഉത്തരവാദിത്തമാണ്. എന്നാൽ ആക്ടിവിസ്റ്റുകളെ മലകയറ്റാനാണ് സർക്കാർ ശ്രമിക്കുന്നതെന്നും മുരളീധരൻ ആരോപിച്ചു. സന്നിധാനത്ത് യുവതികൾ എത്തിയത് മുഖ്യമന്ത്രിയുടെ അറിവോടെ ആയിരുന്നു. പോലീസിന്റെ ആസൂത്രണം ഇതിന്റെ പിന്നിലുണ്ടായിരുന്നുവെന്നും മുരളീധരൻ കൂട്ടിച്ചേർത്തു.
സ്വന്തം ലേഖകൻ തിരുവനന്തപുരം: മുഖ്യമന്ത്രി പിണറായി വിജയനെതിരെ കൊലവിളിയുമായി ആർഎസ്എസ് പ്രവർത്തകൻ. പിണറായി വിജയന്റെ തലവെട്ടുന്നവന് 50000 രൂപ പ്രതിഫലം തരുമെന്ന് വേണുഗോപാൽ ഷേണായി എന്ന ആർ.എസ്.എസ് പ്രവർത്തകൻ ഫേസ്ബുക്കിൽ പോസ്റ്റിട്ടു. ‘പിണറായി വിജയന്റെ തല വെട്ടുന്നവന് 50000 രൂപ പ്രതിഫലം ഞാൻ തരും എന്റെ വിശ്വാസത്തിന് എതിരായത് കൊണ്ട്’ എന്നാണ് വേണുഗോപാൽ ഫേസ്ബുക്കിൽ കുറിച്ചത്. എന്നാൽ കൊലവിളി വിവാദമായതോടെ ഇയാൾ പോസ്റ്റ് പിൻവലിച്ചു. പിന്നാലെ ‘എനിക്ക് ഒരു ഭയവുമില്ല കാരണം ഞാൻ ഒരു സ്വയം സേവകനാ’ എന്നൊരു കുറിപ്പും ഇയാൾ ഫേസ്ബുക്കിൽ പോസ്റ്റ് […]
സ്വന്തം ലേഖകൻ പത്തനംതിട്ട: ശബരിമലയിൽ യുവതികൾ കയറിയതുമായി ബന്ധപ്പെട്ട് ഇന്നലെ ശബരിമല കർമ്മസമിതി നടത്തിയ ഹർത്താലിനോടനുബന്ധിച്ച് നടന്ന പ്രതിഷേധ റാലികളിൽ വൈറലായി നാമജപക്കാരുടെ ഭക്തിനിർഭരമായ മുദ്രാവാക്യങ്ങൾ. ‘നായിന്റെ മോനേ പോലീസേ, ചെറ്റപ്പോലീസേ, നിന്നെ ഞങ്ങൾ എടുത്തോളാം’ എന്നായിരുന്നു നാമജപക്കാരുടെ മുദ്രാവാക്യം. കൂടാതെ ജാതി അധിക്ഷേപങ്ങളും ഉപയോഗിച്ച് പൊലീസിനെതിരെയാണ് ഇവരുടെ പ്രകടനം. ഭക്തരാണ് പ്രതിഷേധിക്കുന്നത് എന്ന വാദമാണ് ഇതോടെ പൊളിയുന്നത്. ഭക്തർ എന്ന പേരിൽ പ്രതിഷേധിക്കുമ്പോൾ ഇത്തരം മുദ്രാവാക്യങ്ങൾ അറിയാതെ പുറത്തുവന്നത് നവമാധ്യമങ്ങളിലൂടെ പൊതുസമൂഹം അറിയുകയാണ്. ഇന്നലെ നടന്ന ഹർത്താലിൽ സംസ്ഥാന വ്യാപകമായി വ്യാപക അക്രമമാണ് […]
തേർഡ് ഐ ബ്യൂറോ സന്നിധാനം: ശബരിമലയിൽ യുവതികൾക്ക് പ്രവേശിക്കാമെന്ന സുപ്രീം കോടതി വിധിയ്ക്കു പിന്നാലെ മലകയറി സന്നിധാനത്ത് എത്തിയത് അൻപതിലേറെ യുവതികൾ. ആരെയുമറിയിക്കാതെ, ആരോടും പറയാതെ കേരളം, തമിഴ്‌നാട്, ആന്ധ്ര എന്നിവിടങ്ങളിൽ നിന്നും എത്തിയ യുവതികൾ ശബരിമലകയറി സന്നിധാനത്ത് എത്തിയതായാണ് പൊലീസ് രഹസ്യാന്വേഷണ വിഭാഗം കണ്ടെത്തിയിരിക്കുന്നത്. മലകയറിയെത്തിയ യുവതികളുടെ വിശദാംശങ്ങൾ പൊലീസ് ശേഖരിച്ച് സുപ്രീം കോടതിയിൽ സമർപ്പിക്കും. ഇത് അടുത്ത ദിവസം സുപ്രീം കോടതി പരിഗണിക്കുന്ന പുനപരിശോധനാ ഹർജിയെ ബാധിച്ചേക്കുമെന്നാണ് സൂചന. സെപ്റ്റംബർ 28 ന് ഏത് പ്രായത്തിലുള്ള സ്ത്രീകൾക്കും ശബരിമലയിൽ പ്രവേശിക്കാമെന്ന സുപ്രീം […]
സ്വന്തം ലേഖകൻ സന്നിധാനം: ശബരിമല സന്നിധാനത്ത് ദർശനം നടത്താൻ 47 കാരിയായ യുവതി എത്തി. യുവതി മഫ്തി പൊലീസിന്റെ അകമ്പടിയിൽ മരക്കൂട്ടം വരെ എത്തിയിട്ടുണ്ട്. എന്നാൽ, ഇതുവരെയും വിശ്വാസികൾ ആരും തന്നെ ഇവരെ തടയാൻ രംഗത്ത് എത്തിയിട്ടില്ല. വ്യാഴാഴ്ച വൈകിട്ട് ഏഴരയോടെയാണ് യുവതി പമ്പയിൽ നിന്നും മലകയറി തുടങ്ങിയത്. 47 കാരിയായ ശ്രീലങ്കൻ സ്വദേശിയായ യുവതിയാണ് പൊലീസ് അകമ്പടിയോടെ മല കയറുന്നത്. മഫ്തിയിൽ നാലു ചുറ്റിലുമുള്ള പൊലീസ് സുരക്ഷ നൽകിയതോടെയാണ് യുവതി മലകയറ്റം ആരംഭിച്ചത്. പമ്പയിൽ നിന്നും നാലംഗ പൊലീസ് സംഘത്തോടൊപ്പമാണ് യുവതി മലകയറ്റം […]
സ്വന്തം ലേഖകൻ കോട്ടയം: പനച്ചിക്കാട് സിപിഎം പ്രകടനത്തിനു നേരെ ആർഎസ്എസ് സംഘപരിവാർ ആക്രമണം. ലോക്കൽ കമ്മിറ്റി അംഗം അടക്കം രണ്ടു പേരെ ഗുരുതരപരിക്കുകളോടെ ജനറൽ ആശുപത്രിയിൽ പ്രവേശിപ്പിച്ചു. പ്രദേശത്ത് വൻ സംഘർഷാവസ്ഥ തുടരുന്നു. ചങ്ങനാശേരി ഡിവൈഎസ്പി എസ്.സുരേഷ് കുമാറിന്റെയും, ചിങ്ങവനം എസ്.ഐ അനൂപ് സി.നായരുടെയും നേതൃത്വത്തിലുള്ള വൻ പൊലീസ് സംഘം സ്ഥലത്ത് ക്യാമ്പ് ചെയ്യുന്നു. ലോക്കൽ കമ്മിറ്റി അംഗം പി.കെ മോഹനൻ, ഡിവൈഎഫ്‌ഐ നേതാവ് അജി എന്നിവരെയാണ് പരിക്കുകളോടെ ആശുപത്രിയിൽ പ്രവേശിപ്പിച്ചത്. രണ്ടു പേരെയും മെഡിക്കൽ കോളേജ് ആശുപത്രിയിലേയ്ക്ക് കൊണ്ടു പോകുകയാണ്. വ്യാഴാഴ്ച രാവിലെ […]
സ്വന്തം ലേഖകൻ കോട്ടയം: സ്‌കൂൾ വിദ്യാർത്ഥികൾക്കും യുവാക്കൾക്കും കഞ്ചാവ് വിൽപ്പന നടത്തുന്ന എവിജി ജീവനക്കാരനും, പോക്കറ്റടിക്കേസ് പ്രതിയും പൊലീസ് പിടിയിലായി. ഈരയിൽക്കടവിലെ എവിജി ജീവനക്കാരൻ മാങ്ങാനം താമരശേരി പുത്തൻപറമ്പിൽ വീട്ടിൽ ശ്രീജിത്ത് (34), കളക്ടറേറ്റ് കീഴുക്കുന്ന് ഭാഗം മുള്ളൻകുഴി വീട്ടിൽ അനിമോൻ(48) എന്നിവരെയാണ് ഈസ്റ്റ് സ്റ്റേഷ്ൻ ഹൗസ് ഓഫിസർ സി.ഐ ടി.ആർ ജിജു അറസ്റ്റ് ചെയ്തത്. ഇരുപത് പൊതി കഞ്ചാവും ഇരുവരിൽ നിന്നും പിടിച്ചെടുത്തു. നഗരമധ്യത്തിൽ വൻ തോതിൽ കഞ്ചാവ് വിൽപ്പന നടക്കുന്നതായി നേരത്തെ ജില്ലാ പൊലീസ് മേധാവി ഹരിശങ്കറിനു രഹസ്യ വിവരം ലഭിച്ചിരുന്നു. […]
