ആന്തരികാവയവ സാമ്പിളുകൾ മുതൽ എഫ് ഐ ആറും പൊലീസ് തൊപ്പികളും വരെ വഴിയരുകിൽ; ലഹരി ഉല്‍പന്നമടങ്ങിയ  കുപ്പികള്‍;പിഴ ഒടുക്കുമ്പോള്‍ നല്‍കുന്ന രസീത്​ ബുക്കുകളുമടക്കം  മാലിന്യത്തിനൊപ്പം റോഡരുകിൽ തള്ളി; ആലുവാ പോലീസ് കാണിച്ചത് ശുദ്ധ അസംബന്ധം

ആന്തരികാവയവ സാമ്പിളുകൾ മുതൽ എഫ് ഐ ആറും പൊലീസ് തൊപ്പികളും വരെ വഴിയരുകിൽ; ലഹരി ഉല്‍പന്നമടങ്ങിയ കുപ്പികള്‍;പിഴ ഒടുക്കുമ്പോള്‍ നല്‍കുന്ന രസീത്​ ബുക്കുകളുമടക്കം മാലിന്യത്തിനൊപ്പം റോഡരുകിൽ തള്ളി; ആലുവാ പോലീസ് കാണിച്ചത് ശുദ്ധ അസംബന്ധം

Spread the love

 

സ്വന്തം ലേഖകൻ

കളമശ്ശേരി: ശുചീകരണത്തി​ന്റെ ഭാഗമായി പൊലീസ്​ സ്​റ്റേഷനില്‍നിന്ന്​ നീക്കംചെയ്ത മനുഷ്യ ആന്തരികാവയവ സാമ്പിള്‍ ഉൾപ്പെടെയുള്ള മാലിന്യം റോഡരികില്‍ തള്ളിയനിലയില്‍.

പോസ്​റ്റ്​മോര്‍ട്ടത്തി​ന്റെ ഭാഗമായി ശേഖരിക്കുന്ന അവയവ സാമ്ബിള്‍ അടങ്ങിയ കുപ്പികള്‍, പിഴ ഒടുക്കുമ്ബോള്‍ നല്‍കുന്ന രസീത്​ കോപ്പി, എഫ്.ഐ.ആര്‍ പകര്‍പ്പുകള്‍, ഡ്യൂട്ടിക്കിടെ പൊലീസ് ഉപയോഗിക്കുന്ന ജാക്കറ്റ്, തിരിച്ചറിയല്‍ കാര്‍ഡുകള്‍, പിടികൂടിയ പുകയില ഉല്‍പന്നശേഖരം, ലഹരി ഉല്‍പന്നമെന്ന് തോന്നിക്കുന്ന പൊടികള്‍ അടങ്ങിയ കുപ്പികള്‍, ഉപേക്ഷിക്കപ്പെട്ട പൊലീസ് തൊപ്പികള്‍, തുടങ്ങി ഒരു ലോഡോളം മാലിന്യമാണ് പാടശേഖരത്തോട് ചേര്‍ന്ന റോഡരികില്‍ കണ്ടെത്തിയത്.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

ആലുവ ഈസ്​റ്റ്​ പൊലീസ്​ സ്റ്റേ

ഷനില്‍നിന്ന്​ നീക്കിയ മാലിന്യം കളമശ്ശേരി എന്‍.എ.ഡി റോഡരികിലാണ് തള്ളിയത്.

പുലര്‍ച്ച മുതൽ മാലിന്യം റോഡരികില്‍ കാണാന്‍ തുടങ്ങിയതോടെ നാട്ടുകാരാണ് വിവരം കളമശ്ശേരി പൊലീസിലും നഗരസഭ ആരോഗ്യ വിഭാഗത്തിലും അറിയിച്ചത്. തുടര്‍ന്ന്​ നടത്തിയ പരിശോധനയിലാണ് ഉറവിടം കണ്ടെത്തിയത്.

മാലിന്യം നീക്കാന്‍ കരാറെടുത്ത ആൾ തന്നെ റോഡരികില്‍ തള്ളിയതാണെന്ന്​ മനസ്സിലായി. കരാറുകാരനെ വിളിച്ചുവരുത്തി 10,000 രൂപ പിഴ അടപ്പിക്കുകയും മാലിന്യം തിരികെ എടുപ്പിക്കുകയും ചെയ്തു.