തിരുവനന്തപുരം: സംസ്ഥാനത്ത് വിവിധ ജില്ലകളില് റെഡ് അലർട്ടടക്കം മഴ മുന്നറിയിപ്പ് തുടരുന്നതിനാല് വിനോദ സഞ്ചാര കേന്ദ്രങ്ങളില് പ്രവേശനം നിരോധിച്ചു.
ഇടുക്കിയിലെ ജലശയങ്ങളിലെ ബോട്ടിംഗ്, കയാക്കിംഗ്, റാഫ്റ്റിഗ്, കുട്ടവഞ്ചി സവാരി ഉള്പ്പെടെയുള്ള ജലവിനോദങ്ങള് നിരോധിച്ചു നാളെ മുതല് ഈ മാസം 27 വരെ നിരോധിച്ചു. മണ്ണിടിച്ചല്, ഉരുള്പൊട്ടല് സാധ്യതയുള്ള മേഖലകളിലെ ട്രക്കിംഗും നിരോധിച്ചിട്ടുണ്ട്. റെഡ് അലർട്ട് പ്രഖ്യാപിച്ച തിങ്കളാഴ്ച രാത്രി ഏഴു മുതല് രാവിലെ ആറു വരെ രാത്രി യാത്രയും നിരോധിച്ചു.
മലപ്പുറം ജില്ലയില് ഞായർ, തിങ്കള് ദിവസങ്ങളില് റെഡ് അലര്ട്ട് പ്രഖ്യാപിച്ചതിനാല് ഇന്നു മുതല് നിലമ്ബൂർ ആഢ്യന്പാറ, കരുവാരകുണ്ട് കേരളാംകുണ്ട് വെള്ളച്ചാട്ടങ്ങളിലേക്കുള്ള പ്രവേശനം വിലക്കി.
Whatsapp Group 1 | Whatsapp Group 2 |Telegram Group
തീരദേശ, പുഴയോര വിനോദ സഞ്ചാര കേന്ദ്രങ്ങളിലും അപകട സാധ്യതയുള്ള മറ്റ് പാര്ക്കുകളിലും ജാഗ്രതാ നിര്ദേശം നല്കി. കണ്ണൂർ പൈതല്മല ഇക്കോ ടൂറിസം കേന്ദ്രത്തില് നാളെ പ്രവേശനമുണ്ടായിരിക്കില്ലെന്ന് ജില്ലാ ഭരണകൂടം അറിയിച്ചു.
വയനാട് ജില്ലയില് റെഡ് അലർട്ട് പ്രഖ്യാപിച്ച സാഹചര്യത്തില് ഇന്നലെ തന്നെ വിനോദ സഞ്ചാര കേന്ദ്രങ്ങളില് നിയന്ത്രണം ഏർപ്പെടുത്തിയിരുന്നു.
എടക്കല് ഗുഹയിലേക്കുള്ള സഞ്ചാരികളുടെ പ്രവേശനം നിരോധിച്ചിരിക്കുകയാണ്. കുറുവ, കാന്തൻപാറ, പൂക്കോട്, കർളാട് കേന്ദ്രങ്ങളിലെ ബോട്ടിങ് നിർത്തിവെച്ചു. പാർക്കുകള് തുറന്നു പ്രവർത്തിക്കുമെങ്കിലും ജില്ലയിലെ എല്ലാ സാഹസിക വിനോദങ്ങളും ജലവിനോദങ്ങളും കർശനമായി നിരോധിച്ചു.
