തിരുവനന്തപുരം: യുഡിഎഫ് സർക്കാരിന്റെ സത്യപ്രതിജ്ഞ ചടങ്ങിൽ തമിഴ്നാട് മുഖ്യമന്ത്രി സി ജോസഫ് വിജയ്ക്ക് ക്ഷണം. ക്ഷണക്കത്തയച്ച് ചീഫ് സെക്രട്ടറി. നീയുക്ത മുഖ്യമന്ത്രി വിധി സതീശന്റെ നിർദ്ദേശപ്രകാരമാണ് ക്ഷണക്കത്ത് അയച്ചത്.
തെലങ്കാന മുഖ്യമന്ത്രി രേവന്ത് റെഡ്ഢി, കർണാടക മുഖ്യമന്ത്രി സിദ്ധരാമയ്യ, ഉപ മുഖ്യമന്ത്രി ഡി.കെ ശിവകുമാർ എന്നിവർക്കും ക്ഷണം.
ഹിമാചല് പ്രദേശ് മുഖ്യമന്ത്രി സുഖ്വീന്ദര് സിങ് സുകു, ജമ്മു കശ്മീര് മുഖ്യമന്ത്രി ഉമര് അബ്ദുല്ല, ജാര്ഖണ്ഡ് മുഖ്യമന്ത്രി ഹേമന്ത് സോറന് എന്നിവര്ക്കെല്ലാം സത്യപ്രതിജ്ഞാ ചടങ്ങളിലേക്ക് ക്ഷണം ലഭിച്ചേക്കും.
Whatsapp Group 1 | Whatsapp Group 2 |Telegram Group
കൂടാതെ രാഹുല് ഗാന്ധി, പ്രിയങ്ക ഗാന്ധി, മല്ലികാര്ജുര് ഖാര്ഗെ ഉള്പ്പെടെ കോണ്ഗ്രസിന്റെ ഉന്നത നേതാക്കളും എത്തും. സെന്ട്രല് സ്റ്റേഡിയത്തില് തിങ്കളാഴ്ചയാണ് സത്യപ്രതിജ്ഞ. കോണ്ഗ്രസുമായി അടുപ്പം നിലനിര്ത്തുന്ന നേതാവ് എന്ന നിലയില് വിജയ് തിരുവനന്തപുരത്ത് വിഡി സതീശന്റെ സത്യപ്രതിജ്ഞയ്ക്ക് എത്താനുള്ള സാധ്യതയുണ്ട്. ഇക്കാര്യത്തില് ഔദ്യോഗിക പ്രതികരണം ലഭ്യമായിട്ടില്ല. ടിവികെ കേരളത്തില് പ്രവര്ത്തനം വിപുലീകരിക്കാന് പദ്ധതിയിടുന്നു എന്ന റിപ്പോര്ട്ടുകളും വന്നിട്ടുണ്ട്.
വിജയ് സത്യപ്രതിജ്ഞ ചെയ്യുന്ന വേളയില് തിരുവനന്തപുരത്തും കൊല്ലത്തും അദ്ദേഹത്തിന്റെ ആരാധകര് ആഘോഷം സംഘടിപ്പിച്ചിരുന്നു. മാത്രമല്ല, കിറ്റുകള് വിതരണം ചെയ്യുകയുമുണ്ടായി. വയനാട് ജില്ലയില് ടിവികെയുടെ പ്രവര്ത്തനം ശക്തമാക്കാന് യുവാക്കളുടെ കൂട്ടായ്മ തീരുമാനിച്ചിട്ടുണ്ട്. ഇവര് കൂടുതല് അംഗങ്ങളെ ചേര്ക്കുന്നതിന് പുതിയ ആപ്പ് തയ്യാറാക്കുകയാണ്.
ഈ മാസം 10നായിരുന്നു തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്തത്. രാഹുല് ഗാന്ധി ചടങ്ങില് സംബന്ധിച്ചിരുന്നു. ഇതുവരെ ഡിഎംകെ സഖ്യത്തിലായിരുന്ന കോണ്ഗ്രസ് തിരഞ്ഞെടുപ്പിന് ശേഷം ടിവികെയുമായി സഖ്യം രൂപീകരിച്ചിരുന്നു. കോണ്ഗ്രസ് നേതാക്കളോട് മന്ത്രിസഭയില് ചേരാന് വിജയ് ആവശ്യപ്പെട്ടിട്ടുണ്ട്. ഇവരുടെ സത്യപ്രതിജ്ഞ വൈകാതെ നടക്കും.
