വൈക്കത്ത് വീടിന് മുകളില്‍ സ്ഥാപിച്ചിരുന്ന വാട്ടര്‍ ടാങ്ക് പൊട്ടിതെറിച്ചു; 600 ലിറ്റര്‍ വെള്ളവുമായി ടാങ്ക് പൊട്ടിത്തെറിച്ചത് കനത്ത ചൂടിനെ തുടര്‍ന്ന് ഉണ്ടായ സമ്മര്‍ദത്തെ തുടര്‍ന്ന്

വൈക്കം: കനത്ത ചൂടിനെ തുടർന്ന് വൈക്കത്ത് വീടിന് മുകളില്‍ സ്ഥാപിച്ചിരുന്ന വാട്ടർ ടാങ്ക് പൊട്ടിതെറിച്ചു.

Link

Embed

Copy and paste this HTML code into your webpage to embed.

തോട്ടുവക്കം സ്വദേശി സമീർ യൂസഫിൻ്റെ വീടിനു മുകളിലെ പത്ത് വർഷം പഴക്കമുള്ള ടാങ്കാണ് ശബ്ദത്തോടെ തകർന്നത്.

കനത്ത വെയിലേറ്റ് വെള്ളം ചൂടായതോടെ ഉണ്ടായ സമ്മർദമാവാം ടാങ്ക് തകരാൻ കാരണമെന്നാണ് കരുതുന്നത്.
സമീറിൻ്റെ വീടിനു മുകളില്‍ സ്ഥാപിച്ചിരുന്ന വാട്ടർ ടാങ്കുകളില്‍ ഏറ്റവും ഉയരത്തിലുള്ളതാണ് തകർന്നത്.

600 ലിറ്റർ കിണർ വെള്ളം സംഭരിച്ചിരുന്ന ടാങ്കില്‍ നിന്ന് കുറച്ച്‌ ദിവസങ്ങളായി ചൂട് വെള്ളമാണ് ലഭിച്ചിരുന്നതെന്ന് വീട്ടുകാർ പറയുന്നു. ടാങ്ക് തകർന്ന് പുറത്തേക്ക് ഒഴുകിയതും ചൂട് വെള്ളമായിരുന്നു.

ടെറസില്‍ നിന്ന് ചൂട് വെള്ളം ഒഴുകുന്നത് കണ്ട് വീടിൻ്റെ മുകളില്‍ കയറി നോക്കിയപ്പോഴാണ് ക്യാൻ തകർന്നതായി കണ്ടത്.ഒരു ഭാഗം മാത്രമാണ് പൊട്ടി തകർന്നത്.