കോഴിക്കോട്: മുഖ്യമന്ത്രി സ്ഥാനത്തേക്ക് വി ഡി സതീശനെ അനുകൂലിച്ച് കോഴിക്കോടും ഫ്ലക്സ്.
ടൂർണമെന്റ് ജയിച്ചാല് കപ്പ് വാങ്ങുന്നത് ക്യാപ്റ്റനെന്നാണ് പോസ്റ്ററിലുള്ളത്.
സെലക്ടറും പരിശീലകനും കപ്പ് വാങ്ങുന്നത് എതിർപ്പിന് ഇടയാക്കുമെന്നും മുന്നറിയിപ്പുണ്ട്.
കോഴിക്കോട് ഡിസിസി ഓഫിസിന് സമീപം സേവ് കോണ്ഗ്രസ് ഫോറത്തിന്റെ പേരിലാണ് ഫ്ലക്സ് പ്രത്യക്ഷപ്പെട്ടിരിക്കുന്നത്.
Whatsapp Group 1 | Whatsapp Group 2 |Telegram Group
നേരത്തെ, കെ സി വേണുഗോപാലിന്റെ വിശ്വസ്തൻ എ പി അനില്കുമാറിന്റെ മണ്ഡലത്തിലും മുഖ്യമന്ത്രി സ്ഥാനത്തേക്ക് വി ഡി സതീശനെ അനുകൂലിച്ച് ഫ്ലക്സ് ബോർഡ് ഉയർന്നിരുന്നു.
മലപ്പുറം വണ്ടൂരിലാണ് ഫ്ലെക്സ് ബോർഡ് സ്ഥാപിച്ചത്. ‘വി ഡി എസ് നയിക്കും, കേരളത്തിന്റെ നിയുക്ത മുഖ്യമന്ത്രിക്ക് അഭിവാദ്യങ്ങള്’ എന്ന വാചകങ്ങളാണ് ഫ്ലക്സില് ഉള്പ്പെടുത്തിയിരിക്കുന്നത്.
വണ്ടൂർ ബൈപാസ് റോഡിലും പൂക്കളത്തുമാണ് നിലവില് ഫ്ലക്സ് ബോർഡുകള് സ്ഥാപിച്ചിട്ടുള്ളത്. ഇന്നലെ തവനൂരിലും വി ഡി സതീശനെ പിന്തുണച്ച് ഫ്ലക്സ് ബോർഡ് സ്ഥാപിച്ചിരുന്നു.
