സ്വന്തം ലേഖകൻ
കോഴിക്കോട്: കര്ണാടകയിലെ ഷിരൂരില് മണ്ണിടിച്ചിലില് കാണാതായ കോഴിക്കോട് സ്വദേശി അര്ജുനെ കണ്ടെത്താനുള്ള തിരച്ചില് ഇന്ന് പുനരാരംഭിക്കും. കാര്വാറില് ജില്ല കലക്ടറും ജില്ല പൊലീസ് മേധാവിയും ഉള്പ്പെടെ പങ്കെടുത്ത ഉന്നതതല യോഗത്തിലാണ് തീരുമാനം.
അര്ജുനെ കണ്ടെത്തുന്നതിനുള്ള ദൗത്യത്തില് ഇന്ന് ഗംഗാവലിപ്പുഴയില് നാവിക നാവിക സേന വീണ്ടും പരിശോധന നടത്തും. ട്രക്കിന്റെ സ്ഥാനം കൃത്യമായി കണ്ടെത്താന് സോണാര് പരിശോധന നടത്തും. ഗംഗാവലിപ്പുഴയിലെ അടിയൊഴുക്ക് മൂന്ന് നോട്സില് താഴെ എത്തിയതിനാലാണ് ദൗത്യം പുനരാരംഭിക്കുന്നത്.
Whatsapp Group 1 | Whatsapp Group 2 |Telegram Group
നേരത്തെ നാല് പോയിന്റുകളിലാണ് ട്രക്കിന്റെ സ്ഥാനം സംബന്ധിച്ച് സാധ്യത കണ്ടെത്തിയത്. എന്നാല് പുഴയിലെ ശക്തമായ അടിയൊഴുക്കില് ട്രക്കിന്റെ സ്ഥാനം മാറാന് സാധ്യതയുണ്ട്. ട്രക്കിന്റെ സ്ഥാനം കൃത്യമായി കണ്ടെത്താനാണ് നാവിക സേന വീണ്ടും പരിശോധനയ്ക്ക് ഇറങ്ങുന്നത്.
തിരച്ചിൽ അനിശ്ചിതമായി വൈകുന്നതിനെതിരെ അർജുന്റെ കുടുംബം രംഗത്തെത്തിയിരുന്നു. രണ്ടു ദിവസത്തിനുള്ളിൽ തിരച്ചില് വീണ്ടും ആരംഭിച്ചില്ലെങ്കില് അര്ജുന്റെ കുടുംബം ഒന്നടങ്കം ഷിരൂരിലെത്തി പ്രതിഷേധം ആരംഭിക്കുമെന്ന് അര്ജുന്റെ സഹോദരി ഭര്ത്താവ് ജിതിൻ പറഞ്ഞു.
