ഭാര്യയുമായി തർക്കം ; രണ്ടു വയസ്സുകാരനെ പിതാവ് മൂന്നാം നിലയിൽ നിന്ന് താഴേക്കെറിഞ്ഞു ; പിന്നാലെ പിതാവും ചാടി ; ഗുരുതരമായ പരിക്കുകളോടെ ഇരുവരും ആശുപത്രിയിൽ ; വധശ്രമത്തിന് കേസെടുത്ത് പോലീസ്
ദില്ലി: രണ്ട് വയസ്സുകാരനെ പിതാവ് മൂന്നു നിലയുള്ള വീടിന്റെ ബാൽക്കണിയിൽ നിന്ന് താഴേക്കെറിഞ്ഞു. കുട്ടിയെ താഴേക്ക് എറിഞ്ഞതിന് പിന്നാലെ ഇയാളും കൂടെ ചാടിയതായി പൊലീസ് വ്യക്തമാക്കി. ഗുരുതരമായ പരിക്കുകളോടെ ഇരുവരെയും ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ പ്രവേശിപ്പിച്ചിരിക്കുകയാണ്. ദില്ലിയിലെ കൽകാജിയിൽ ഇന്നലെ രാത്രിയോടെയാണ് സംഭവം ഉണ്ടായത്. ഭാര്യയുമായി വഴക്കിട്ടതിനെ തുടർന്നാണ് ഇയാൾ കുട്ടിയെ ബാൽക്കണിയിൽ നിന്ന് താഴെക്കിട്ടത്. മാൻ സിങ്ങും ഭാര്യ പൂജയും കഴിഞ്ഞ കുറച്ച് മാസങ്ങളായി വേർപിരിഞ്ഞ് താമസിക്കുകയായിരുന്നു. രണ്ട് കുട്ടികൾക്കൊപ്പം കൽക്കാജിയിലെ മുത്തശ്ശിയുടെ വീട്ടിലാണ് പൂജ ഇപ്പോൾ താമസിച്ചിരുന്നത്. […]
