തിരുവനന്തപുരം: ഉയർന്ന ലെവലില് കാലവർഷ കാറ്റ് ശക്തമായതിനെ തുടർന്ന് തിരുവനന്തപുരം, കൊല്ലം, ഇടുക്കി, പത്തനംതിട്ട, എറണാകുളം ഉള്പ്പെടെ മലയോര മേഖലയില് മഴ ശക്തം.
സംസ്ഥാനത്തെ വിവിധ ജില്ലകളില് വരും ദിവസങ്ങളില് കനത്ത ജാഗ്രത പുലർത്തേണ്ടതുണ്ട്. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, കോഴിക്കോട്, കണ്ണൂർ, കാസർകോട് എന്നീ ജില്ലകളില് ഒറ്റപ്പെട്ട ശക്തമായ മഴ മുതല് വളരെ ശക്തമായ മഴ വരെ പെയ്യാൻ വളരെ സാധ്യതയുണ്ടെന്നാണ് പ്രവചനം. ഈ ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
തൃശ്ശൂർ, പാലക്കാട്, മലപ്പുറം, വയനാട്, ആലപ്പുഴ, കൊല്ലം, തിരുവനന്തപുരം എന്നീ തെക്കൻ-മധ്യ ജില്ലകളിലും ലക്ഷദ്വീപിലും ഈ ദിവസം ഒറ്റപ്പെട്ട ശക്തമായ മഴയ്ക്കുള്ള സാധ്യതയുണ്ട്. മഞ്ഞ അലേര്ട്ട് ആണ് നല്കിയിട്ടുള്ളത്.
Whatsapp Group 1 | Whatsapp Group 2 |Telegram Group
തുടർന്നുള്ള ദിവസങ്ങളില് മഴയുടെ വ്യാപ്തി വടക്കൻ ജില്ലകളിലേക്ക് കേന്ദ്രീകരിക്കുന്നതായാണ് സൂചന. ജൂണ് എട്ടിന് കോഴിക്കോട്, കണ്ണൂർ, കാസർകോട് ജില്ലകളില് വളരെ ശക്തമായ മഴ പെയ്യാൻ സാധ്യതയുള്ളതിനാല് ജാഗ്രത പാലിക്കണം.
ഇതേ ദിവസം മറ്റ് മിക്ക ജില്ലകളിലും ഒറ്റപ്പെട്ട ശക്തമായ മഴ തുടരാനാണ് സാധ്യത. എന്നാല് ജൂണ് ഒൻപതാകുമ്പോഴേക്കും മലപ്പുറം, കോഴിക്കോട്, വയനാട്, കണ്ണൂർ, കാസർകോട് എന്നീ വടക്കൻ ജില്ലകളില് ഒറ്റപ്പെട്ട ശക്തമായ മഴ മുതല് വളരെ ശക്തമായ മഴ വരെ പെയ്യാൻ വളരെ സാധ്യതയുണ്ടെന്ന് കാലാവസ്ഥാ കേന്ദ്രം മുന്നറിയിപ്പ് നല്കുന്നു. ഇതേ ദിവസം തെക്കൻ ജില്ലകളില് മഴയുടെ തീവ്രത കുറഞ്ഞ് നേരിയതോ മിതമായതോ ആയ മഴയ്ക്കാണ് സാധ്യത കല്പ്പിക്കുന്നത്.
