കുമരകം : കുമരകം കോട്ടത്തത്തോട്ടിൽ സംഘടിപ്പിക്കുന്ന ശ്രീനാരായണ ജയന്തി കുമരകം മത്സരവള്ളംകളിയുടെ കളിവള്ളങ്ങളുടെ രജിസ്ട്രേഷൻ ഇന്നു മുതൽ 10 വരെ നടത്തും.
ശ്രീനാരായണ ജയന്തി പബ്ലിക് ബോട്ട് റേസ് ക്ലബ് നാടിൻ്റെ വിവിധ മേഖലകളുടെ സഹകരണത്തോടെ സെപ്റ്റംബർ 15 തിരുവോണനാളിലാണ് വള്ളം കളി നടത്തുന്നത്.
സെപ്റ്റംബർ 11-ന് ക്യാപ്റ്റൻമാരുടെ സാന്നിധ്യത്തിൽ നടക്കുന്ന യോഗത്തിൽ ട്രാക്ക് പ്രഖ്യാപനം നടത്തും.
ഇരുട്ടുകുത്തി,വെപ്പ്, ചുരുളൻ,കോവള്ളം തുടങ്ങി വിവിധ ഗ്രേഡുകളിലുള്ള വള്ളങ്ങൾ രജിസ്ട്രേഷൻ നടത്താവുന്നതാണ്. കളിവള്ളം ഉടമയുടെ
സമ്മതപത്രം,ക്യാപ്റ്റൻ, ലീഡിങ് ക്യാപ്റ്റൻ എന്നിവരുടെ ഫോട്ടോ, ആധാർ കാർഡ് കോപ്പി
Whatsapp Group 1 | Whatsapp Group 2 |Telegram Group
എന്നിവ സഹിതം വള്ളം രജിസ്ട്രേഷൻ സമയത്ത് കരുതണമെന്ന് ക്ലബ്ബ് പ്രസിഡണ്ട്
വി.എസ് സുഗേഷും ജനറൽ സെക്രട്ടറി എസ്.ഡി പ്രേംജിയും അറിയിച്ചു.
ശ്രീനാരായണഗുരു 1903-ൽ കുമരകം ശ്രീകുമാരമംഗലം ക്ഷേത്ര വിഗ്രഹ പ്രതിഷ്ഠയ്ക്ക് ഗ്രാമം സന്ദർശിച്ചതിൻ്റെ സ്മരണയ്ക്കായ് ശ്രീനാരായണ ജയന്തി പബ്ലിക് ബോട്ട് റേസ് ക്ലബ് നാടിൻ്റെ വിവിധ മേഖലകളുടെ സഹകരണത്തോടെ നടത്തുന്നതാണ് വളളം കളി
.
