ബാങ്കിംഗ് മേഖലയിൽ ജോലി ആഗ്രഹിക്കുന്നവർക്ക് ഇതാ വൻ അവസരങ്ങൾ. സ്റ്റേറ്റ് ബാങ്ക് ഓഫ് ഇന്ത്യ (SBI) 2026-27 വർഷത്തേക്കുള്ള പ്രൊബേഷണറി ഓഫീസർ (PO) തസ്തികകളിലേക്കുള്ള തിരഞ്ഞെടുപ്പിനായി രജിസ്ട്രേഷൻ പ്രക്രിയ ആരംഭിച്ചു. ബിരുദധാരികൾക്ക് അപേക്ഷിക്കാം. 1,500 ഒഴിവുകളാണ് പ്രഖ്യാപിച്ചത്. ജൂലൈ എട്ട് വരെ ഓൺലൈൻ അപേക്ഷ സമർപ്പിക്കാം.
റിക്രൂട്ട്മെന്റ് പ്രക്രിയയിലൂടെ തിരഞ്ഞെടുക്കപ്പെടുന്ന ഉദ്യോഗാർത്ഥികളെ ഇന്ത്യയിൽ എവിടെയും നിയമിക്കും. ഔദ്യോഗിക അറിയിപ്പ് അനുസരിച്ച്, പ്രാഥമിക പരീക്ഷ, മെയിൻ പരീക്ഷ, സൈക്കോമെട്രിക് ടെസ്റ്റ്, ഗ്രൂപ്പ് എക്സർസൈസ്, ഇന്റർവ്യൂ എന്നിങ്ങനെ മൂന്ന് ഘട്ടങ്ങളായാണ് റിക്രൂട്ട്മെന്റ് നടത്തുന്നത്. ഏതെങ്കിലും വിഷയത്തിൽ ബിരുദം നേടിയവർക്ക് SBI കരിയർ പോർട്ടൽ വഴി അപേക്ഷിക്കാം.
പ്രധാന തീയതികൾ
Whatsapp Group 1 | Whatsapp Group 2 |Telegram Group
ഓൺലൈൻ അപേക്ഷയും ഫീസ് അടയ്ക്കലും: 2026 ജൂൺ 18 മുതൽ ജൂലൈ 8 വരെ
പ്രാഥമിക പരീക്ഷയുടെ കോൾ ലെറ്ററുകൾ: 2026 ജൂലൈയുടെ 2/3 ആഴ്ച
ഘട്ടം I പ്രാഥമിക പരീക്ഷ: 2026 ഓഗസ്റ്റ്
പ്രാഥമിക പരീക്ഷ ഫലം: 2026 ഓഗസ്റ്റ്/സെപ്റ്റംബർ
മെയിൻ പരീക്ഷ: 2026 സെപ്റ്റംബർ
സൈക്കോമെട്രിക് ടെസ്റ്റ്, ഗ്രൂപ്പ് എക്സർസൈസ്, ഇന്റർവ്യൂ: 2026 ഒക്ടോബർ/നവംബർ
അവസാന ഫലം: 2026 നവംബർ/ഡിസംബർ
എങ്ങനെ അപേക്ഷിക്കാം?
SBI ബാങ്കിന്റെ ഔദ്യോഗിക വെബ്സൈറ്റ് sbi.bank.in സന്ദർശിക്കുക.
SBI PO റിക്രൂട്ട്മെന്റ് 2026 അപേക്ഷ ലിങ്ക് തുറക്കുക.
സാധുവായ ഇമെയിൽ ഐഡിയും മൊബൈൽ നമ്പറും ഉപയോഗിച്ച് രജിസ്റ്റർ ചെയ്യുക.
അപേക്ഷാ ഫോം ശ്രദ്ധാപൂർവം പൂരിപ്പിക്കുക.
ആവശ്യമായ രേഖകൾ, ഫോട്ടോ, ഒപ്പ് എന്നിവ അപ്ലോഡ് ചെയ്യുക.
അപേക്ഷാ ഫീസ് ഓൺലൈനായി അടയ്ക്കുക.
ഫോം സമർപ്പിക്കുക, ഭാവിയിലെ റഫറൻസിനായി സ്ഥിരീകരണ പേജ് ഡൗൺലോഡ് ചെയ്യുക.
യോഗ്യതയും ഒഴിവുകളും
ഏതെങ്കിലും അംഗീകൃത സർവ്വകലാശാലയിൽ നിന്ന് ബിരുദം നേടിയിരിക്കണം. അവസാന വർഷ വിദ്യാർത്ഥികൾക്കും താത്ക്കാലികമായി അപേക്ഷിക്കാം. സംവരണ വിഭാഗങ്ങളിലെ തസ്തികകൾ ഉൾപ്പെടെ 1,500 ഒഴിവുകളാണ് വിജ്ഞാപനത്തിൽ പ്രഖ്യാപിച്ചിരിക്കുന്നത്.
2026 ഏപ്രിൽ ഒന്നിലെ കണക്കനുസരിച്ച് പ്രായപരിധി 21 നും 30 നും ഇടയിലാണ്. സർക്കാർ മാനദണ്ഡങ്ങൾ അനുസരിച്ച് യോഗ്യരായ വിഭാഗങ്ങൾക്ക് ഇളവുകൾ ലഭ്യമാണ്.
