അടിതെറ്റിയാൽ ആനയും വീഴും ; ഗതാഗതമന്ത്രിയുടെ ഔദ്യോഗിക വാഹനം നിയന്ത്രണംവിട്ട്‌ മൂന്നു സ്‌കൂട്ടറുകൾ ഇടിച്ചു തെറിപ്പിച്ചു

സ്വന്തം ലേഖകൻ

തിരുവനന്തപുരം: ഗതാഗത മന്ത്രിയുടെ ഔദ്യോഗിക വാഹനം മൂന്നു സ്‌കൂട്ടറുകൾ ഇടിച്ചിട്ടു. സംഭവത്തിൽ ആർക്കും പരിക്കില്ല. നടുവണ്ണൂർ – ഇരിങ്ങത്ത് റോഡിൽ ചാവട്ട് പള്ളിക്ക് സമീപമായിരുന്നു അപകടം.

നിയന്ത്രണംവിട്ട മന്ത്രിയുടെ വാഹനം നിർത്തിയിരുന്ന സ്‌കൂട്ടറുകളിൽ ഇടിക്കുകയായിരുന്നു. ചാവട്ട് പള്ളിയിലെ നബിദിന പരിപാടിയിൽ പങ്കെടുക്കാൻ എത്തിയവരുടെതായിരുന്നു സ്‌കൂട്ടർ.

മന്ത്രി മണിയൂരിലേക്കു പോകുമ്പോാഴായിരുന്നു അപകടമുണ്ടായത്. പോലീസ് വാഹനത്തിലാണ് മന്ത്രി യത്ര തുടർന്നത്. പോലീസെത്തി മന്ത്രിയുടെ കാർ സ്റ്റേഷനിലേക്ക് മാറ്റി.