സ്വന്തം ലേഖിക
കോഴിക്കോട്: വ്ളോഗര് റിഫ മെഹ്നുവിന്റെ ഭര്ത്താവ് മെഹ്നാസ് അറസ്റ്റില്. പോക്സോ കേസിലാണ് അറസ്റ്റ്. വിവാഹസമയത്ത് റിഫയ്ക്ക് പ്രായപൂര്ത്തിയായിരുന്നില്ല.തുടര്ന്നാണ് അറസ്റ്റെന്ന് പോലീസ് പറഞ്ഞു.
താമരശ്ശേരി ഡി.വൈ.എസ്.പിയുടെ നേതൃത്വത്തിലുള്ള അന്വേഷണ സംഘമാണ് കാസര്കോടു നി ന്ന് മെഹ്നാസിനെ കസ്റ്റഡിയില് എടുത്തത്. മെഹ്നാസിനെ കോഴിക്കോട് പോക്സോ കോടതിയില് ഹാജരാക്കും.
Whatsapp Group 1 | Whatsapp Group 2 |Telegram Group
വ്ളോഗര്, ആല്ബം താരം എന്നീ നിലകളില് പ്രശസ്തയായിരുന്ന കോഴിക്കോട് ബാലുശേരി സ്വദേശിനിയായ റിഫയെ ഫെബ്രുവരി അവസാനമാണ് ദുബായ് ജാഫിലിയയിലെ താമസസ്ഥലത്ത് മരിച്ച നിലയില് കണ്ടെത്തിയത്. റിഫയുടെ മരണത്തില് ദുരൂഹത ആരോപിച്ച് കുടുംബം രംഗത്തെത്തിയിരുന്നു.
സംസ്കരിച്ച് രണ്ടുമാസത്തിനു ശേഷം റിഫയുടെ മൃതദേഹം പുറത്തെടുത്ത് പോസ്റ്റ് മോര്ട്ടം നടത്തിയിരുന്നു. തൂങ്ങിമരണം എന്നായിരുന്നു പോസ്റ്റ് മോര്ട്ടം റിപ്പോര്ട്ട്.റിഫയുടേത് ആത്മഹത്യയാണെങ്കില് അതിലേക്ക് നയിച്ച കാരണം കണ്ടെത്തണമെന്ന് മാതാവ് ഷെറീന ആവശ്യപ്പെട്ടിരുന്നു. റിഫയുടെ മരണവുമായി ബന്ധപ്പെട്ട കേസില് മെഹ്നാസ് നല്കിയ മുന്കൂര് ജാമ്യാപേക്ഷയില് ഹൈക്കോടതി വിധി വരാനിരിക്കുകയാണ്.
