ഭൂമി കയ്യേറ്റം; സബ് കളക്ടർ രേണു രാജ് റിപ്പോർട്ട് എ ജിയുടെ ഓഫീസിന് കൈമാറി

സ്വന്തം ലേഖകൻ

കൊച്ചി: മൂന്നാർ പഞ്ചായത്തിന്റെ ഭൂമി കയ്യേറിയതിനെതിരെ കോടതിയലക്ഷ്യ നടപടി ആവശ്യപ്പെട്ടു കൊണ്ട് ദേവികുളം സബ് കളക്ടർ രേണു രാജിന്റെ റിപ്പോർട്ട് എജിയുടെ ഓഫീസിന് കൈമാറി.

എസ് രാജേന്ദ്രൻ എംഎൽഎയ്ക്കെതിരെയും റിപ്പോർട്ടിൽ പരാമർശിച്ചിട്ടുണ്ട്. അനധികൃത നിർമ്മാണം തുടർന്നത് എംഎൽഎയുടെ സാന്നിധ്യത്തിലാണെന്നാണ് റിപ്പോർട്ടിൽ പറയുന്നത്.

എന്നാൽ, എംഎൽഎക്കെതിരായ വ്യക്തിപരമായ പരാമർശം റിപ്പോർട്ടിലില്ല. റവന്യൂ വകുപ്പിന്റെ അനുമതിയില്ലാതെ മൂന്നാറിൽ നിർമ്മാണം പാടില്ലെന്നും നിയമവിരുദ്ധമായ നിർമ്മാണങ്ങൾ ശ്രദ്ധയിൽപ്പെട്ടാൽ അറിയിക്കണമെന്നും 2010ൽ ഹൈക്കോടതിയുടെ ഉത്തരവുണ്ട്. ഈ പശ്ചാത്തലത്തിലാണ് സബ് കളക്ടർ റിപ്പോർട്ട് നൽകുന്നത്.