റിയൽമി ആരാധകർക്ക് സന്തോഷിക്കാം…!ക്വാഡ് കാമറയുമായി റിയൽമി 6ഐ മാർച്ച് 17 ന് വിപണിയിലെത്തും

സ്വന്തം ലേഖകൻ

കൊച്ചി: ഏറ്റവും കൂടുതൽ ആരാധകരുള്ള റിയൽമി 6 സീരീസിൽ റിയൽമി 6ഐ ഉടൻ വിപണിയിലെത്തും. റിയൽമീ 6, റിയൽമീ 6 പ്രോ എന്നിവയ്ക്ക് ശേഷം റിയൽമി 6ഐ എന്ന പേരുമായാണ് പുതിയ സ്മാർട്ട് ഫോൺ പുറത്തിറക്കുന്നത്. 48 മെഗാപിക്‌സൽ ക്വാഡ് കാമറ റിയൽമി 6ഐയ്ക്ക് ഉണ്ട്.

റിയൽമി 6ഐ മാർച്ച് 17ന് പുറത്തിറക്കുമെന്ന് കമ്പനി പ്രഖ്യാപിച്ചു. റിയൽമീ 6 ന്റെ മീഡിയടെക് ഹീലിയോ ജി 80 പ്രോസസർ അവതരിപ്പിക്കുന്ന ആദ്യത്തെ സ്മാർട്ട്‌ഫോൺ ആയിരിക്കും റിയൽമീ 6ഐ. കൊറോണ വൈറസ് പടരുന്ന പശ്ചാത്തലത്തിൽ ഇത് ഒരു ഓൺലൈൻ ഇവന്റിലായിരിക്കും നടത്തുക.

മികച്ച ഗെയിമിംഗ് അനുഭവം നൽകുന്നതിന് ഗ്രാഫിക്‌സ് കേന്ദ്രീകൃത ഹൈപ്പർ എഞ്ചൈൻ സാങ്കേതികവിദ്യയും ഉണ്ട്.8 ജിബി വരെ എൽ.പി.ഡി.ഡി.ആർ 4 എക്‌സ് റാമും ഇ.എം.എം.സി 5.1 സ്റ്റോറേജും ഇതിലുണ്ട്. റിയൽമി 6ഐ ഫോണിൽ കുറഞ്ഞത് 4 ജിബി റാം ഉണ്ടായിരിക്കും. 5000 എംഎഎച്ച് ബാറ്ററിയിൽ 18വാട്‌സ് ഫാസ്റ്റ് ചാർജിംഗ് വാഗ്ദാനം ചെയ്യുന്നു. യുഎസ്ബിസി പോർട്ടും റിയൽമി 6ഐ ഉറപ്പ് നൽകുന്നുണ്ട്.