സ്വന്തം ലേഖിക
ഡൽഹി: അപകീര്ത്തിക്കേസില് കുറ്റക്കാരനെന്ന വിധി സ്റ്റേ ചെയ്യണമെന്ന രാഹുല് ഗാന്ധിയുടെ അപ്പീല് സുപ്രീംകോടതി ഇന്ന് പരിഗണിക്കും.
ജസ്റ്റിസുമാരായ ബി ആര് ഗവായ്, പ്രശാന്ത് കുമാര് മിശ്ര എന്നിവര് അടങ്ങിയ ബെഞ്ചാണ് ഹര്ജി പരിഗണിക്കുക. 2019ല് ലോക്സഭാ തെരഞ്ഞെടുപ്പ് പ്രചാരണത്തിനിടെ കര്ണാടകയിലെ കോലാറില് വച്ച് ‘എല്ലാ കള്ളന്മാര്ക്കും മോദി എന്ന പേര് പൊതുവെയുള്ളത് എന്തുകൊണ്ടാണെന്ന്’ രാഹുല് ഗാന്ധി നടത്തിയ പരാമര്ശമാണ് കേസിനാധാരം.
Whatsapp Group 1 | Whatsapp Group 2 |Telegram Group
തുടര്ന്ന് ഗുജറാത്തിലെ ബിജെപി നേതാവ് പൂര്ണേഷ് മോദി നല്കിയ അപകീര്ത്തിക്കേസില് രാഹുല് ഗാന്ധിക്ക് സൂറത്ത് ചീഫ് മജിസ്ട്രേറ്റ് കോടതി രണ്ട് വര്ഷത്തെ തടവ് ശിക്ഷ വിധിച്ചിരുന്നു.
സ്റ്റേ ആവശ്യം അംഗീകരിക്കപ്പെട്ടാല് അയോഗ്യത നീങ്ങി രാഹുല് ഗാന്ധിയുടെ ലോക്സഭാംഗത്വം പുനഃസ്ഥാപിക്കപ്പെടും. പരാതിക്കാരനായ ബിജെപി എംഎല്എ പൂര്ണേഷ് മോദി തടസ്സ ഹര്ജി നല്കിയിട്ടുണ്ട്.
