പെരുമ്പാവൂരിൽ അതിഥി തൊഴിലാളി തീചൂളയില്‍പ്പെട്ടു; വീണത് 15 അടി ഗര്‍ത്തത്തിലേക്ക്; രക്ഷിക്കാൻ ഊർജ്ജിതശ്രമം

സ്വന്തം ലേഖകൻ

കൊച്ചി: അതിഥി തൊഴിലാളി തീച്ചൂളയില്‍ വീണു. മാലിന്യം കത്തിക്കുന്ന കുഴിയിലാണ് കൊല്‍ക്കത്ത സ്വദേശി നസീര്‍ (23) വീണത്.

പെരുമ്പാവൂരിലെ പ്ലൈവുഡ് ഫാക്ടറിയിലാണ് സംഭവം. മാലിന്യം കത്തിക്കുന്ന കുഴിയില്‍ വീഴുകയായിരുന്നു. കുഴിക്ക് 15അടിയിലേറെ ആഴമുണ്ട്.

രാവിലെ ഏഴുമണിയോടെയാണ് അപകടം. ഇയാളെ പുറത്ത് എത്തിക്കുന്നതിനുള്ള ശ്രമം തുടരുന്നു. ഫയര്‍ഫോഴ്‌സ് അടക്കം രക്ഷാപ്രവര്‍ത്തനത്തിന് സ്ഥലത്തെത്തിയിട്ടുണ്ട്.