സ്വന്തം ലേഖിക
കൊച്ചി :സിജു വില്സണെ കേന്ദ്ര കഥാപാത്രമാക്കി വിനയന് ഒരുക്കിയ ബ്രഹ്മാണ്ഡ ചിത്രം പത്തൊമ്ബതാം നൂറ്റാണ്ട് തിയേറ്ററില് വിജയകരമായി പ്രദര്ശനം തുടരുകയാണ്മികച്ച പ്രതികരണമാണ് സിനിമയ്ക്ക് ലഭിക്കുന്നത്. പത്തൊമ്ബതാം നൂറ്റാണ്ടില് ജീവിച്ചിരുന്ന നവോത്ഥാന നായകനായ ആറാട്ടുപുഴ വേലായുധപ്പണിക്കരുടെ കഥയാണ് സിനിമ പറയുന്നത്.പത്തൊമ്ബതാം നൂറ്റാണ്ട് കണ്ട അനുഭവം പങ്കുവച്ച് മാലാ പാര്വ്വതി
മാലാ പാര്വ്വതിയുടെ കുറിപ്പ്
Whatsapp Group 1 | Whatsapp Group 2 |Telegram Group
പത്തൊമ്ബതാം നൂറ്റാണ്ട് കണ്ടു. ചരിത്രത്തില് രേഖപ്പെടുത്താതെപോയ തമസ്ക്കരിക്കപ്പെട്ട വ്യക്തിത്വങ്ങളുടെ കഥയാണ് ചിത്രം പറയുന്നത്.
ചിത്രത്തിന്്റെ ഓരോ ആസ്പെക്റ്റും എടുത്ത് പറയേണ്ടതാണ്. കലാസംവിധാനം, വസ്ത്രാലങ്കാരം, മേക്കപ്പ്, ക്യാമറ, സ്റ്റണ്ട് എല്ലാം ഒന്നിനൊന്ന് മെച്ചം. ഓണക്കാലത്ത് കാണാവുന്ന എന്നല്ല, മലയാളികള് കണ്ടിരിക്കേണ്ട, ഈഴവര് തൊട്ട് താഴോട്ടുള്ള അധ:കൃതര് എന്ന് സമൂഹം വിളിച്ചിരുന്ന ഒരു വലിയ വിഭാഗം അനുഭവിച്ചിരുന്ന നെറികേടിന്്റെ കഥ.
അതിനെതിരെ നടന്ന ചെറുത്ത് നില്പ്പിന്്റെ കഥ. ആറാട്ടുപുഴ വേലായുധന്്റെയും നങ്ങേലിയുടെയും കഥ. ആറാട്ടുപുഴ വേലായുധനായി എത്തിയ സിജു വില്സണ് ആ കഥാപാത്രത്തെ അവിസ്മരണീയമാക്കി.
കയാദു ലോഹര് നങ്ങേലിയായും തിളങ്ങി. സുദേവ് നായര്, അലന്സിയര്, സുനില് സുഖദ, ഇന്ദ്രന്സ്, സുരേഷ് കൃഷ്ണ തുടങ്ങി ചിത്രത്തിലെ അഭിനേതാക്കള് എല്ലാം അവനവന്്റെ റോളുകള് കെങ്കേമമാക്കി.
എന്നാല് ഈ കുറിപ്പ് എനിക്ക് എഴുതാന് തോന്നിയത് മറ്റൊരു കാരണത്താലാണ്. സിനിമ ഇന്ഡസ്ട്രിയിലെ പറയാന് പാടില്ലാത്ത ഒരു പേര് ആണ് ഡയറക്ടര് വിനയന് എന്നത് ഒരു പരസ്യമായ രഹസ്യമാണ്.
പല തരത്തിലുള്ള വിലക്കുകള്, ഗ്രൂപ്പ് പ്രശ്നങ്ങള്, തര്ക്കങ്ങള് എല്ലാത്തിനും കാരണം ഡയറക്ടര് വിനയനെന്ന് ഒളിഞ്ഞും തെളിഞ്ഞും ആള്ക്കാര് പറയുമ്ബോഴും സിനിമയെ നിലനിര്ത്തുന്ന തൊഴിലാളികളുടെ കണ്കണ്ട ദൈവമാണ് ഇദ്ദേഹം.
ഡ്രൈവര്മാര്, ലൈറ്റിലെ, യൂണിറ്റിലെ, മേക്കപ്പിലെ എന്ന് വേണ്ട ആര് സംസാരിക്കുമ്ബോഴും ഇദ്ദേഹത്തിനെക്കുറിച്ച് നൂറു നാവാണ്. ഒരു വ്യക്തി ഒരു വിഷയം തിരഞ്ഞെടുക്കുന്നത് എന്തിനാണ് എന്ന് ഞാന് ആലോചിക്കാറുണ്ട്.
ഈ സിനിമ കണ്ടപ്പോള് എനിക്കത് വ്യക്തമായി. മാറ്റി നിര്ത്തപ്പെടുന്നവന്്റെ വേദന അനുഭവിച്ചിട്ടുള്ള, അടിസ്ഥാന വര്ഗ്ഗത്തിന് വേണ്ടി പൊരുതുന്ന ആറാട്ടുപുഴ വേലായുധന്്റെ കഥ ഡയറക്ടര് വിനയന് എന്ത് കൊണ്ട് സിനിമയാക്കി എന്ന്.
പത്തൊമ്ബതാം നൂറ്റാണ്ടില് മാത്രമല്ല, എല്ലാ കാലത്തും, എല്ലാ ഇടത്തും ആറാട്ടുപുഴ വേലായുധന്മാരുണ്ട്. അതാത് കാലത്തെ നാടുവാഴികള്ക്കും, അവരുടെ പിണിയാളന്മാര്ക്കും എതിര്പ്പ് തോന്നിയാല് അവര് അങ്ങനെയുള്ളവരെ മാറ്റി നിര്ത്തും.
ഒഴിവാക്കും, വിലക്കേര്പ്പെടുത്തും. സിനിമാ മേഖലയിലെ ഒരു ആറാട്ടുപുഴ വേലായുധനാണ് ശ്രീ വിനയന് എന്ന് ഈ ചിത്രം കണ്ടപ്പോള് എനിക്ക് തോന്നി.
അതുപോലെ തന്നെ, തിളങ്ങി നില്ക്കുന്ന നായക നടന്മാരില് നിന്ന് ഒരാളെ തിരഞ്ഞെടുക്കാതെ, ഒളിഞ്ഞിരുന്ന ഒരു നടനെ, ആറാട്ടുപുഴ വേലായുധനായി അവതരിപ്പിച്ചതിലും ഇതേ രാഷ്ട്രീയം കാണാം. നടനെ താരമാക്കി..
തമസ്ക്കരിക്കപ്പെടാതെ കാത്തു. മണികണ്ഠന് ആചാരിയെപ്പോലെ, മുസ്തഫയെ പോലുള്ള പ്രതിഭാധനന്മാരായ നടന്മാരെ ചിത്രത്തിന്്റെ ഭാഗമാക്കുന്നതിന്്റെ രാഷ്ട്രീയവും വേറെ അല്ല.
പ്രസക്തമായ ഒരു വിഷയം കൈകാര്യം ചെയ്യാന് ശ്രമിച്ചതിനും, അതിന് ഒപ്പം നിന്ന നിര്മ്മാതാവ് ശ്രീ ഗോപാലനും അഭിനന്ദനങ്ങള്.
