കൈക്കൂലിപണം ഒളിപ്പിക്കാൻ പതിനെട്ടടവ് പയറ്റിയിട്ടും രക്ഷയില്ല ; പെൻസില്‍ കൂടിനുള്ളിലും അഗര്‍ബത്തി സ്റ്റാന്‍ഡിലുമായി കണ്ടെത്തിയത് കണക്കിൽപ്പെടാത്ത 8300 രൂപ; പാലക്കാട് ഗോവിന്ദാപുരം ആർടിഒ ചെക്പോസ്‌റ്റിൽ വിജിലൻസിന്റെ മിന്നൽ പരിശോധന

സ്വന്തം ലേഖകൻ
പാലക്കാട്: ഗോവിന്ദാപുരം ആർടിഒ ചെക്പോസ്‌റ്റിൽ വിജിലൻസിന്റെ മിന്നൽ പരിശോധന കണക്കിൽപ്പെടാത്ത പണം കണ്ടെടുത്തു.

പെന്‍സില്‍ കൂടിനുള്ളിലും അഗര്‍ബത്തി സ്റ്റാന്‍ഡിലുമായി ചുരുട്ടി ഒളിപ്പിച്ചിരുന്ന 8300 രൂപയാണ് കണ്ടെടുത്തു.

വാഹനത്തിന്റെ ഡ്രൈവർമാരിൽ നിന്നും ഉദ്യോഗസ്ഥർ പണം വാങ്ങുന്നതിന്റെ തെളിവുകളും വിജിലൻസിന് ലഭിച്ചു

പാലക്കാട് വിജിലൻസ് ഡിവൈഎസ്പിയുടെ നേതൃത്വത്തിലുള്ള സംഘം പുലർച്ചെയാണ് പരിശോധന നടത്തിയത്.

മീറ്ററിനുള്ളിലും , വാഴക്കൂമ്പിനുള്ളിലും കൈക്കൂലിപ്പണം ഒളിപ്പിച്ചുവെച്ച് പിടിയിലായ ഉദ്യോ​ഗസ്ഥരുടെ ലിസ്ററുകൾ വേറെ. കൈക്കൂലിക്കാർക്കെതിരെ ശക്തമായ നടപടി സ്വീകരിക്കുമെന്ന് മന്ത്രി പറഞ്ഞിട്ടും മാറ്റമില്ലാതെ തുടരുന്നു മനോഭാവം.