പ്രശസ്ത നാടൻപാട്ടുകാരിയും നടിയുമായ പരവൈ മുനിയമ്മ അന്തരിച്ചു

സ്വന്തം ലേഖകൻ

ചെന്നൈ: പ്രശസ്ത നാടൻപാട്ടുകാരിയും നടിയുമായ പരവൈ മുനിയമ്മ( 83) അന്തരിച്ചു. വാർദ്ധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്നു. ഞായറാഴ്ച പുലർച്ചെ മധുരയിലെ വസതിയിൽ വച്ചായിരുന്നു അന്ത്യം.

മകനോടൊപ്പമായിരുന്നു മുനിയമ്മ കഴിഞ്ഞിരുന്നത്. ചിയാൻ വിക്രമിെന്റ ‘ധൂൾ’ എന്ന ചിത്രത്തിലെ ‘സിങ്കം പോലെ’ എന്ന ഗാനത്തിലൂടെയാണ് മുനിയമ്മ സിനിമാ രംഗത്തേക്കും പ്രശസ്തിയിലേക്ക് ഉയർന്നത്. പ്രശ്‌സ്ത സിനിമകളായ ധൂളിലുൾപ്പെടെ അൻപതോളം ചിത്രങ്ങളിൽ അഭിനയിച്ചിട്ടുണ്ട്. കുടാതെ ഒരു പ്രമുഖ ചാനലിൽ പാചക പരിപാടിയുടെ അവതാരകയായും മുനിയമ്മ പ്രത്യക്ഷപ്പെട്ടിരുന്നു. മമ്മൂട്ടി നായതനായ പോക്കിരിരാജയിലും മുനിയമ്മയെ അഭിനയിച്ചിരുന്നു. അന്ത്യ കർമ്മങ്ങൾ ഞായറാഴ്ച വൈകുന്നേരം മധുരയിൽ വച്ച് നടക്കും.

2015ലാണ് മുനിയമ്മ രോഗബാധിതയായത്. 2019ൽ തമിഴ്‌നാട് സർക്കാർ മുനിയമ്മയെ കലൈമാമണി പുരസ്‌കാരം നൽകി ആദരിച്ചിരുന്നു.