video
play-sharp-fill
വഴിക്ക് വീതി കൂട്ടുന്നതിന് സൗജന്യമായി സ്ഥലം വിട്ടു നൽകണമെന്നുള്ള ആവശ്യം നിരാകരിച്ചു; കോട്ടയം വാരിശേരിയിൽ അയൽവാസിയുടെ വീട്ടുവളപ്പിൽ അതിക്രമിച്ചു കയറി വീടിന്റെ മതില്‍ തകർത്തു ; തടയാൻ ശ്രമിച്ച മധ്യവയസ്കയെയും ഭർത്താവിനെയും ഉപദ്രവിച്ച കേസിൽ നാല് പേരെ ഗാന്ധിനഗർ പൊലീസ് അറസ്റ്റ് ചെയ്തു

വഴിക്ക് വീതി കൂട്ടുന്നതിന് സൗജന്യമായി സ്ഥലം വിട്ടു നൽകണമെന്നുള്ള ആവശ്യം നിരാകരിച്ചു; കോട്ടയം വാരിശേരിയിൽ അയൽവാസിയുടെ വീട്ടുവളപ്പിൽ അതിക്രമിച്ചു കയറി വീടിന്റെ മതില്‍ തകർത്തു ; തടയാൻ ശ്രമിച്ച മധ്യവയസ്കയെയും ഭർത്താവിനെയും ഉപദ്രവിച്ച കേസിൽ നാല് പേരെ ഗാന്ധിനഗർ പൊലീസ് അറസ്റ്റ് ചെയ്തു

സ്വന്തം ലേഖകൻ

ഗാന്ധിനഗർ : അയൽവാസിയായ യുവാവിന്റെ വീടിന്റെ മതില്‍ തകർത്ത കേസിൽ സമീപവാസികളും, ജെ.സിബി ഡ്രൈവറും ഉള്‍പ്പെടെ നാല് പേരെ പോലീസ് അറസ്റ്റ് ചെയ്തു.

പെരുമ്പായിക്കാട് വാരിശ്ശേരി ഭാഗത്ത് ഇടാട്ടുതറയിൽ വീട്ടിൽ അൻസാരി ഇ.പി (56), പെരുമ്പായിക്കാട് വാരിശ്ശേരി ഭാഗത്ത് ചെന്തിട്ടയിൽ വീട്ടിൽ മുഹമ്മദ് ഇസ്മായിൽ (62), പെരുമ്പായിക്കാട് വാരിശ്ശേരി ഭാഗത്ത് ഇടാട്ടുതറയിൽ വീട്ടിൽ അപ്പായി എന്ന് വിളിക്കുന്ന നസീർ ഇ.ബി (50). ജെ.സിബി ഡ്രൈവറായ ആർപ്പൂക്കര വില്ലൂന്നി പുളീംപറമ്പിൽ വീട്ടിൽ സനീഷ് (39) എന്നിവരെയാണ് ഗാന്ധിനഗർ പോലീസ് അറസ്റ്റ് ചെയ്തത്.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

ഇവർ സംഘം ചേർന്ന് കഴിഞ്ഞ ദിവസം രാത്രി 2:15 മണിയോടുകൂടി അയൽവാസിയായ യുവാവിന്റെ വീട്ടുവളപ്പിൽ അതിക്രമിച്ചു കയറി ജെ.സി.ബി യും മറ്റും ഉപയോഗിച്ച് മതിൽ പൊളിക്കുകയായിരുന്നു. ഇത് കണ്ട് തടയാൻ ശ്രമിച്ച വീട്ടിലുണ്ടായിരുന്ന മധ്യവയസ്കയെയും, ഭർത്താവിനെയും ഇവർ ഉപദ്രവിക്കുകയുമായിരുന്നു.

വഴിക്ക് വീതി കൂട്ടുന്നതിന് സൗജന്യമായി സ്ഥലം വിട്ടു നൽകണമെന്നുള്ള ഇവരുടെ ആവശ്യം മധ്യവയസ്കയും കുടുംബവും നിരാകരിച്ചിരുന്നു. കൂടാതെ മധ്യവസ്ക ഇത് സംബന്ധിച്ച് പോലീസിൽ പരാതി നൽകുകയും ചെയ്തിരുന്നു. ഇതിലുള്ള വിരോധം മൂലമാണ് ഇവർ രാത്രിയിൽ സംഘം ചേർന്ന് മതിൽ പൊളിച്ചുമാറ്റിയത്.

പരാതിയെ തുടർന്ന് ഗാന്ധിനഗർ പോലീസ് കേസ് രജിസ്റ്റർ ചെയ്യുകയും തുടർന്ന് നടത്തിയ തിരച്ചിലിൽ ഇവരെ പിടികൂടുകയുമായിരുന്നു. ഗാന്ധിനഗർ സ്റ്റേഷൻ എസ്.എച്ച്.ഓ സിനോദ്.കെ യുടെ നേതൃത്വത്തിലാണ് ഇവരെ അറസ്റ്റ് ചെയ്തത്.