മുക്കത്ത് മഞ്ഞ നിറത്തില്‍ മഴ തുള്ളികൾ; അന്തരീക്ഷത്തിലെ രാസ പദാർത്ഥമാകാം കാരണമെന്ന് പ്രാഥമിക നിഗമനം; കണ്ടെത്താന്‍ ശാസ്ത്രീയ പരിശോധന

സ്വന്തം ലേഖിക

കോഴിക്കോട്: മുക്കം പൂള പൊയിലില്‍ മഞ്ഞ നിറത്തില്‍ മഴ തുള്ളികള്‍ വീണതായി നാട്ടുകാര്‍.

പൂള പൊയിലിലെ നാല് വീടുകളിലാണ് ഇപ്പോള്‍ മഞ്ഞ നിറത്തില്‍ തുള്ളികള്‍ വീണതായി കണ്ടത്.

ഞായറാഴ്ച വൈകിട്ട് അഞ്ച് മണിയോടെയാണ് ഇവിടെ പെയ്ത മഴയിലാണ് മഞ്ഞ നിറത്തിലുള്ള തുള്ളികള്‍ കണ്ടതെന്നാണ് നാട്ടുകാര്‍ പറഞ്ഞത്.

അന്തരീക്ഷത്തിലെ രാസ പദാര്‍ത്ഥ സാന്നിദ്ധ്യമാവാം ഇതിന്‍റെ കാരണമെന്നാണ് പ്രാഥമിക നിഗമനമെന്ന് വിദഗ്ദര്‍ പറഞ്ഞു. എന്നാല്‍ ശാസ്ത്രീയ വിശകലന ശേഷമേ ഈ പ്രതിഭാസത്തിന്‍റെ യഥാര്‍ത്ഥ കാരണം വ്യക്തമാകു.