മൂലവട്ടത്ത് അപ്രതീക്ഷിതമായ വീട് ഇടിഞ്ഞു താണു; വീടിന്റെ അടുക്കളയും സമീപത്തെ വീടിന്റെ മതിലും ഇടിഞ്ഞു താണത് ഞായറാഴ്ച ഉച്ചയക്ക്

തേർഡ് ഐ ബ്യൂറോ

കോട്ടയം: മൂലവട്ടത്ത് അപ്രതീക്ഷിതമായി വീടിന്റെ അടുക്കള ഇടിഞ്ഞു താണു. കുടുംബാംഗങ്ങൾ ഭക്ഷണം കഴിച്ച ശേഷം തൊട്ടടുത്ത മുറിയിലേയ്ക്കു മാറിയതിനാൽ വൻ ദുരന്തം ഒഴിവായി. ഞായറാഴ്ച ഉച്ചയ്ക്ക് ഒന്നരയോടെയായിരുന്നു സംഭവം. മൂലവട്ടെ ദിവാൻപുരം പാറയിൽ പുത്തൻപറമ്പിൽ
ജയമോന്റെ  ( കൃഷ്ണൻകുട്ടി)  വീടാണ് ഇടിഞ്ഞു താണത്.

ഞായറാഴ്ച ഉച്ചയ്ക്ക് വീട്ടുകാർ അടുക്കളയിൽ ഇരുന്നു ഭക്ഷണം കഴിച്ച ശേഷം തൊട്ടടുത്ത മുറിയിലേയ്ക്കു മാറുകയായിരുന്നു. ഈ സമയത്താണ് വൻ ശബ്ദത്തോടെ അടുക്കള ഇടിഞ്ഞു വീണത്. അടുക്കളയുടെ ചിമ്മിനി ഇരുത്തിയ ശേഷം ഓട് മേൽക്കൂര താഴേയ്ക്കു പതിക്കുകയായിരുന്നു.

അടുക്കളയും ചിമ്മിനിയും ഇടിഞ്ഞ് സമീപത്തെ മതിലും തകർന്നു. വീട്ടുകാർ സുരക്ഷിതരായി ഇരിക്കുന്നു. നാട്ടുകാരും, സമീപവാസികളും ചേർന്നു രക്ഷാപ്രവർത്തനം നടത്തി. കഴിഞ്ഞ ദിവസങ്ങളിലുണ്ടായ മഴയിൽ ഭിത്തികളിൽ വെള്ളമിറങ്ങിയാണ് വീട് തകർന്നത് എന്നു സംശയിക്കുന്നു.