തലസ്ഥാനത്ത് വൻ എം.ഡി.എം.എ വേട്ട; പരിശോധന രഹസ്യ വിവരത്തെ തുടർന്ന്, 78.78 ഗ്രാം എം.ഡി.എം.എയുമായി രണ്ട് പേർ എക്സൈസിന്റെ പിടിയിൽ

സ്വന്തം ലേഖിക

തിരുവനന്തപുരം:തിരുവനന്തപുരത്ത് വൻ എം.ഡി.എം.എ വേട്ട. തമ്പാനൂർ എസ്.എസ് കോവിൽ റോഡിലെ സ്റ്റെപ് അപ് ടാറ്റൂ സ്റ്റുഡിയോയിൽ നിന്ന് എക്സൈസ് എം.ഡി.എം.എ പിടികൂടുകയായിരുന്നു.

രാജാജി നഗർ സ്വദേശി മജീന്ദ്രൻ , പെരിങ്ങമ്മല സ്വദേശി ഷോൺ അജി എന്നിവരെയാണ് അറസ്റ്റു ചെയ്തത്.3 ലക്ഷം രൂപ ഇന്ത്യൻ നിരക്ക് വരുന്ന 78.78 ഗ്രാം എം.ഡി.എം.എ യാണ് ഇവരിൽ നിന്നും എക്സൈസ് പിടികൂടിയത്.

തിരുവനന്തപുരം എക്സൈസ് സ്പെഷ്യൽ സ്ക്വാഡിന് ലഭിച്ച രഹസ്യവിവരത്ത തുടർന്ന് നടത്തിയ തിരച്ചിലിലാണ് പ്രതികളെ പിടികൂടിയത്. രഹസ്യ വിവരത്തിന്റെ അടിസ്ഥാനത്തിൽ സംസ്ഥാനത്ത് വ്യാപകമായ പരിശോധനയാണ് എക്സൈസ് നടത്തുന്നത്.