കേരള കോൺഗ്രസിന്റെ എൽ.ഡി.എഫ് പ്രവേശനം: കോൺഗ്രസ് ഒക്ടോബർ 20 ന് അയ്യായിരം കേന്ദ്രങ്ങളിൽ ജനകീയ വിചാരണ നടത്തും

തേർഡ് ഐ ബ്യൂറോ

കോട്ടയം: യു.ഡി.എഫ്. വോട്ടു നേടി വിജയിച്ച ശേഷം എൽ.ഡി.എഫിലേയ്ക്ക് കൂറുമാറിയ കോട്ടയം പാർലമെന്റ് അംഗം തോമസ് ചാഴിക്കാടനും, കാഞ്ഞിരപ്പള്ളി എം.എൽ.എ. എൻ.ജയരാജും രാജിവയ്ക്കമെന്നു കോൺഗ്രസ് ആവശ്യം.

ഈ ആവശ്യം ഉന്നയിച്ച് ജില്ലയിൽ 5000 കേന്ദ്രങ്ങളിൽ ഒക്ടോബർ 20 നു രാവിലെ 11 മണിയ്ക്ക് ‘ജനകീയ വിചാരണാ’ സമരം നടത്തുവാൻ ജില്ലാ കോൺഗ്രസ് കമ്മിറ്റി തീരുമാനിച്ചു.

വാർഡ് കോൺഗ്രസ് കമ്മിറ്റികളുടെ നേതൃത്വത്തിൽ ഓരോ വാർഡിലും അഞ്ചു വീതം കേന്ദ്രങ്ങളിലാണ് സമരം. ജില്ലാതല ഉദ്ഘാടനം തിരുവഞ്ചൂർ രാധാകൃഷ്ണൻ എം.എൽ.എ.കോട്ടയം ഗാന്ധിസ്‌ക്വയറിൽ നടത്തുമെന്ന് ഡി.സി.സി.പ്രസഡന്റ് ജോഷി ഫിലിപ്പ് അറിയിച്ചു.