ഇടതുമുന്നണിയുടെ മനുഷ്യമഹാശൃംഖലയ്ക്കിടെ കൊല്ലത്ത് കൈ ഞരമ്പ് മുറിച്ച് യുവാവിന്റെ ആത്മഹത്യാശ്രമം; വന്ദേമാതരം എന്ന് വിളിച്ചുകൊണ്ടാണ് ആത്മഹത്യാശ്രമം നടത്തിയത്

സ്വന്തം ലേഖകൻ

കൊല്ലം: ഇടതുമുന്നണിയുടെ മനുഷ്യമഹാശൃംഖലയ്ക്കിടെ കൊല്ലത്ത് കൈ ഞരമ്പ് മുറിച്ച് യുവാവിൻറെ ആത്മഹത്യാശ്രമം. വന്ദേമാതരം എന്ന് വിളിച്ചുകൊണ്ടാണ് ഇയാൾ ആത്മഹത്യാശ്രമം നടത്തിയത് . പൊലീസ് ഉടൻതന്നെ ഇയാളെ ആശുപത്രിയിൽ പ്രവേശിപ്പിച്ചു .

ഇയാളുടെ നില ഗുരുതരമാണെന്ന് ആശുപത്രി അധികൃതർ അറിയിച്ചു . കൊല്ലം രണ്ടാം കുറ്റി സ്വദേശി അജോയ് ആണ് കൈ ഞരമ്പ് മുറിച്ചത് എന്നാണ് ലഭിക്കുന്ന വിവരം.

അതേസമയം ഭരണഘടനയുടെ ആമുഖം വായിച്ച് പ്രതിജ്ഞ എടുത്ത് എൽഡിഎഫിൻറെ മനുഷ്യ മഹാശൃംഖല കാസർകോട്ട് നിന്നും ആരംഭിച്ചു. കാസർകോട് മുതൽ കളിയിക്കാവിള വരെ തീർക്കുന്ന മനുഷ്യ മഹാശൃംഖലയിൽ പ്രമുഖരടക്കം അണിചേർന്നു.