കൊച്ചി: നടന് ഷൈന് ടോം ചാക്കോയ്ക്ക് താക്കീത് നല്കി സിനിമ സാങ്കേതിക പ്രവര്ത്തകരുടെ സംഘടന ഫെഫ്ക. ലഹരി ഉപയോഗിച്ചുവെന്ന് ഷൈന് ടോം ചാക്കോ സമ്മതിച്ചുവെന്നാണ് ഫെഫ്ക ജനറല് സെക്രട്ടറി ബി ഉണ്ണികൃഷ്ണന് കൊച്ചിയില് പറഞ്ഞത്.
ഇത് അവസാന അവസരമാണ്. വീണ്ടും അവസരം നല്കിയത് ദൗര്ബല്യമായി കാണരുതെന്നും ബി ഉണ്ണികൃഷ്ണന് പറഞ്ഞു. ഷൈന് ടോം ചാക്കോയ്ക്ക് നല്കുന്നത് അവസാന അവസരമാണ് എന്നും ഫെഫ്ക പറഞ്ഞു. ഇനി ആവര്ത്തിച്ചാല് കര്ശനമായ നടപടിയെന്നും ഫെഫ്ക ഭാരവാഹികള് വ്യക്തമാക്കി.
വിന്സി പരാതിയുമായി വിളിച്ചിരുന്നുവെന്നും ഫെഫ്ക ഭാരവാഹികള് വ്യക്തമാക്കി. “മലയാള സിനിമയില് ലഹരിമാഫിയ പിടിമുറുക്കി എന്ന രീതിയിലാണ് നിരന്തരം വാര്ത്തകള് വരുന്നത്. എന്നാല് മലയാള സിനിമ രംഗം അടുത്ത രണ്ട് മൂന്ന് മാസങ്ങളില് നിലയ്ക്കുന്ന അവസ്ഥയാണ് അത്തരം ഒരു അവസ്ഥയില് ഇത്തരം പെരുമാറ്റം ഉള്ളവരുമായി സഹകരിക്കുന്നത് ബുദ്ധിമുട്ടാകും. ഷൈന് ടോം ചാക്കോയുമായി തുറന്ന് സംസാരിച്ചു.
Whatsapp Group 1 | Whatsapp Group 2 |Telegram Group
അദ്ദേഹത്തിന്റെ കുടുംബവും ഉണ്ടായിരുന്നു. അദ്ദേഹം ഒരു അവസരം കൂടി ആവശ്യപ്പെടുകയായിരുന്നു. ഷൈന് പ്രതിഭയുള്ള അഭിനേതാവാണ്. ഇത്തരം തെറ്റുകളില് പെടുന്നവര്ക്ക് തിരുത്താന് ഒരു അവസരം കൊടുക്കുക എന്നതാണ് മാനുഷികമായ നിലപാട്. എന്നാല്, ഈ നിലപാട് ദൗര്ബല്യമായി കരുതരുത്. ഷൈന് നല്കിയ ഉറപ്പുകള് പാലിച്ചാല് ഷൈന് മലയാള സിനിമയില് ഉണ്ടാകും. ഇതൊരു ഷൈനില് ഒതുങ്ങുന്ന കാര്യമല്ല. ഷൈന് ഒരു രോഗലക്ഷണമാണ്.
ഒരു പാട് മറ്റ് ആളുകള് ഉണ്ട്. ഇത്തരക്കാര്ക്കെതിരായ പരാതി ഫെഫ്കയിലും നിര്മ്മാതാക്കളുടെ സംഘടനയ്ക്കും ലഭിച്ചിട്ടുണ്ട്. ഇത്തരക്കാരെ ഫെഫ്ക വിളിച്ചുവരുത്തി സംസാരിക്കും. എന്നാല് മാത്രമേ ഒരു തിരുത്തല് നടക്കൂ. ഒപ്പം എല്ലാ ലോക്കേഷനിലും ഫെഫ്ക ഒരു ക്യാംപെയിന് നടത്തുകയാണ്. സത്യന് അന്തിക്കാട് മോഹന്ലാല് ലോക്കേഷനില് അടക്കം ലഹരിക്കെതിരെ പ്രചാരണം നടത്തുകയാണ്. കേരളം ലഹരി വിമുക്തമാക്കാനുള്ള പൊതു സമൂഹത്തിന്റെ ദൗത്യത്തിനൊപ്പം തന്നെയാണ് ഫെഫ്കയും” ബി ഉണ്ണികൃഷ്ണന് കൊച്ചിയില് പറഞ്ഞു.
