കുമളിയിൽ അമിതവേ​ഗതയിലെത്തിയ ഓട്ടോറിക്ഷാ റോഡരികിലൂടെ നടന്നു പോവുകയായിരുന്ന കുടുംബത്തെ ഇടിച്ചു തെറിപ്പിച്ചു; നാലുവയസുകാരന് ദാരുണാന്ത്യം

സ്വന്തം ലേഖകൻ

Link

Embed

Copy and paste this HTML code into your webpage to embed.

കുമളി : ഓട്ടോ ഇടിച്ച് നാലുവയസുകാരന് ദാരുണാന്ത്യം. കൊല്ലം പട്ടടയിൽ പുത്തൻപുരയിൽ കിഷോർ-ആശദമ്പതികളുടെ മകൻ അർണവാണ്​ (കണ്ണൻ) മരിച്ചത്. വെള്ളിയാഴ്ച രാത്രി 8.45 ഓടെയായിരുന്നു അപകടം.

റോഡരികിലൂടെ നടന്നു പോവുകയായിരുന്ന കുടുംബത്തെ ഓട്ടോ ഇടിച്ചു തെറിപ്പിക്കുകയായിരുന്നു. റോഡിലൂടെ നടന്നു പോയവരുടെ പിന്നിലേക്ക് വാഹനമിടിച്ച് കയറിയാണ് അപകടമുണ്ടായത്. റോഡിലേക്ക് തെറിച്ചുവീണ കിഷോർ, ഭാര്യ ആശ, ഇവരുടെ കൈയിലുണ്ടായിരുന്ന ഒമ്പത്​ മാസം പ്രായമുള്ള പെൺകുഞ്ഞ് എന്നിവർക്കും പരിക്കേറ്റു. ഇവരെ കുമളിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

അമിത വേഗതയിലെത്തിയ ഓട്ടോ നിയന്ത്രണംവിട്ട് ഇവരെ ഇടിച്ചതിനുശേഷം റോഡിലേക്ക് മറിയുകയായിരുന്നു. ഓട്ടോ ഡ്രൈവർ രാജേഷ് ഗുരുതര പരുക്കുകളോടെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.