സ്വന്തം ലേഖകൻ
കോട്ടയം : കുമരകത്ത് ബൈക്കും കാറും കൂട്ടിയിടിച്ച് അപകടം. യുവാവിന് പരിക്ക്. അപകടത്തിൽപെട്ട് പതിനഞ്ച് മിനിറ്റോളം റോഡിൽ വീണു കിടന്ന യുവാവിനെ രക്ഷപ്പെടുത്തി ആശുപത്രിയിൽ എത്തിച്ചത് സിവിൽ പൊലീസ് ഓഫീസർ.
ശനിയാഴ്ച വൈകിട്ട് ഒമ്പതരയോടെ കുമരകം പള്ളിച്ചിറയിലായിരുന്നു അപകടം.
പരിക്കേറ്റ വേളൂർ സ്വദേശി വിഷ്ണു (28 ) വിനെയാണ് ഏറ്റുമാനൂർ പൊലീസ് സ്റ്റേഷനിലെ സിവിൽ പൊലീസ് ഓഫിസർ പ്രദീപ് ആശുപത്രിയിൽ എത്തിച്ചത്.
Whatsapp Group 1 | Whatsapp Group 2 |Telegram Group
കോട്ടയം ഭാഗത്ത് കുമരകത്തേക്ക് വരികയായിരുന്ന കാറും എതിർദിശയിൽ നിന്നെത്തിയ ബൈക്കും പള്ളിച്ചിറയിൽ വച്ച് കൂട്ടിയിടിക്കുകയായിരുന്നു.
അപകടത്തെത്തുടർന്ന് പതിനഞ്ച് മിനിറ്റോളം വിഷ്ണു റോഡിൽ വീണു കിടന്നു.
ഈ സമയത്താണ് ഏറ്റുമാനൂർ പൊലീസ് സ്റ്റേഷനിലെ സിവിൽ പൊലീസ് ഓഫീസറായ പ്രദീപ് ഇതുവഴി എത്തുന്നത്. കാർ നിർത്തി പ്രദീപ് സ്വന്തം വാഹനത്തിൽ പരിക്കേറ്റ വിഷ്ണുവിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
