കോട്ടയം ജനറൽ ആശുപത്രിയിലെ നവീകരിച്ച ഒ.പി,അത്യാഹിത വിഭാഗങ്ങൾ ആരോഗ്യമന്ത്രി കെ.കെ ശൈലജ ഉദ്ഘാടനം ചെയ്തു

തേർഡ് ഐ ബ്യൂറോ

കോട്ടയം : ജില്ലാ ജനറൽ ആശുപത്രിയിൽ കോവിഡ് രോഗികൾക്കു മാത്രമായി ഡയാലിസിസ് യൂണിറ്റുകൾ ആരംഭിക്കുമെന്ന് ആരോഗ്യ കുടുംബക്ഷേമ വകുപ്പ് മന്ത്രി കെ.കെ. ശൈലജ ടീച്ചർ പറഞ്ഞു. കോട്ടയം ജനറൽ ആശുപത്രിയിൽ നവീകരിച്ച ഔട്ട് പേഷ്യന്റ് അത്യാഹിത വിഭാഗങ്ങളുടെ ഉദ്ഘാടനം വീഡിയോ കോൺഫറൻസിലൂടെ നിർവഹിക്കുകയായിരുന്നു മന്ത്രി.

രണ്ടു യൂണിറ്റുകളണ് അടിയന്തിരമായി സ്ഥാപിക്കുക. വിപുല ചികിത്സാ സംവിധാനങ്ങളോടെ രോഗീസൗഹൃദ അന്തരീക്ഷത്തിൽ പ്രവർത്തിക്കുന്നതുകൊണ്ട് സർക്കാർ ആശുപത്രികളിൽ ജനങ്ങളുടെ വിശ്വാസം വർധിച്ചിട്ടുണ്ട്. അതുകൊണ്ടുതന്നെ എല്ലാ ആശുപത്രികളിലും കൂടുതൽ സൗകര്യങ്ങൾ ഒരുക്കുന്നതിനും പ്രവർത്തനം മെച്ചപ്പെടുത്തുന്നതിനും ലക്ഷ്യമിട്ടുള്ള പ്രവർത്തനങ്ങളാണ് നടന്നുവരുന്നത്.

കോട്ടയം ജില്ലയിലെ എല്ലാ പ്രാഥമികാരോഗ്യ കേന്ദ്രങ്ങളെയും കുടുംബാരോഗ്യ കേന്ദ്രങ്ങളാക്കുന്നതിന് നടപടികൾ പുരോഗമിക്കുകയാണെന്നും മന്ത്രി പറഞ്ഞു.

ആർദ്രം പദ്ധതിയിൽ ഉൾപ്പെടുത്തി 2.5 കോടി രൂപ ചിലവഴിച്ചാണ് ഔട്ട് പേഷ്യന്റ് അത്യാഹിത വിഭാഗങ്ങൾ ആധുനിക സജ്ജീകരണങ്ങളോടെ നവീകരിച്ചത്. ജില്ലാ പഞ്ചായത്ത് 2.3 കോടി ചിലവിട്ടാണ് ഡിജിറ്റൽ മാമോഗ്രാഫി യൂണിറ്റ് സജ്ജമാക്കിയത്.

മാമോഗ്രഫി യൂണിറ്റിന്റെ ഉദ്ഘാടനം തിരുവഞ്ചൂർ രാധാകൃഷ്ണൻ എം.എൽ.എ നിർവ്വഹിച്ചു. സംസ്ഥാനത്ത് ആദ്യമായാണ് ഒരു സർക്കാർ ജനറൽ ആശുപത്രിയിൽ ഡിജിറ്റൽ മാമോഗ്രഫി യൂണിറ്റ് സ്ഥാപിക്കുന്നത്.

ജില്ലാ പഞ്ചായത്ത് പ്രസിഡന്റ് അഡ്വ. സെബാസ്റ്റ്യൻ കുളത്തുങ്കൽ അധ്യക്ഷത വഹിച്ചു. തോമസ് ചാഴികാടൻ എം.പി വീഡിയോ കോൺഫറൻസിലൂടെ മുഖ്യ പ്രഭാഷണം നടത്തി. ജോസ് കെ. മാണി എം.പി ഓൺലൈനിൽ സന്ദേശം നൽകി. കോവിഡ് പ്രതിരോധ പ്രവർത്തകരെ ചടങ്ങിൽ ആദരിച്ചു.

മുനിസിപ്പൽ ചെയർപേഴ്‌സൺ ഡോ. പി.ആർ. സോന,മുൻ എം.എൽ.എ വി.എൻ വാസവൻ, ജില്ലാ പഞ്ചായത്ത് വൈസ് പ്രസിഡന്റ് ഡോ. ശോഭ സലിമോൻ, ജില്ലാ പഞ്ചായത്ത് സ്റ്റാന്റിംഗ് കമ്മറ്റി ചെയർമാൻമാരായ സഖറിയാസ് കുതിരവേലിൽ, ലിസമ്മ ബേബി, അംഗങ്ങളായ പി. സുഗതൻ, ബെറ്റി റോയ് മണിയങ്ങാട്ട്, ജയേഷ് മോഹൻ, ആരോഗ്യ കേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ,ആശുപത്രി സൂപ്രണ്ട് ഡോ. ആർ. ബിന്ദുകുമാരി തുടങ്ങിയവർ പങ്കെ