കുത്തിവെപ്പിന് പിന്നാലെ ശരീരത്തിൽ സൂചി കുടുങ്ങിയെന്ന് പരാതി; കോഴഞ്ചേരി ജില്ലാ ആശുപത്രിക്കെതിരെ ഗുരുതര ആരോപണം

പത്തനംതിട്ട: കോഴഞ്ചേരി ജില്ലാ ആശുപത്രിക്കെതിരെ ഗുരുതര ചികിത്സാ പിഴവ് ആരോപണവുമായി രോഗി. കുത്തിവെപ്പ് എടുത്തശേഷം സൂചിയുടെ ഭാഗം ശരീരത്തിനുള്ളിൽ കുടുങ്ങിയെന്നാണ് പരാതി. ആറന്മുള സ്വദേശിനിയായ വത്സല (68)യാണ് ചികിത്സാ പിഴവിന് ഇരയായതെന്ന് ആരോപിക്കുന്നത്.

Link

Embed

Copy and paste this HTML code into your webpage to embed.

ഒരു വർഷത്തിലേറെയായി ശരീരത്തിൽ സൂചിയുടെ ഭാഗവുമായി കഴിയേണ്ടി വന്നതായി വത്സല പറഞ്ഞു. ആരോഗ്യപ്രശ്നങ്ങളും വേദനയും തുടർന്നതിനെ തുടർന്ന് നടത്തിയ പരിശോധനയിലാണ് ശരീരത്തിനുള്ളിൽ സൂചിയുടെ ഭാഗം കുടുങ്ങിക്കിടക്കുന്നതായി കണ്ടെത്തിയതെന്നാണ് കുടുംബത്തിന്റെ ആരോപണം.

കഴിഞ്ഞ ദിവസം ശസ്ത്രക്രിയ നടത്തിയെങ്കിലും സൂചിയുടെ മുഴുവൻ ഭാഗവും പുറത്തെടുക്കാൻ സാധിച്ചില്ലെന്ന് വത്സല മാധ്യമങ്ങളോട് പ്രതികരിച്ചു. സംഭവത്തിൽ അന്വേഷണം നടത്തി ഉത്തരവാദികൾക്കെതിരെ നടപടി സ്വീകരിക്കണമെന്നാണ് കുടുംബത്തിന്റെ ആവശ്യം.