തിരുവനന്തപുരം: 10 വർഷത്തിനിപ്പുറം അധികാരത്തില് തിരിച്ചെത്തിയെങ്കിലും യു ഡി എഫില് മന്ത്രി തർക്കവുമായി ബന്ധപ്പെട്ട പ്രതിസന്ധി രൂക്ഷമാകുന്നു.
കേരള കോണ്ഗ്രസ് ജോസഫ് ഗ്രൂപ്പും മാണി സി കാപ്പനുമാണ് മുന്നണിയില് മന്ത്രി തർക്കവുമായി ബന്ധപ്പെട്ട് പ്രധാനമായും കലാപക്കൊടി ഉയർത്തിയിരിക്കുന്നത്. 2 മന്ത്രി സ്ഥാനം എന്ന നിലപാടില് ഒരു വിട്ടുവീഴ്ചയും ഇല്ലെന്ന നിലപാടിലാണ് കേരള കോണ്ഗ്രസ്.
ഇന്ന് നടന്ന ഉഭയകക്ഷി ചർച്ചയില് ഒരു മന്ത്രിയും ചീഫ് വിപ്പും എന്ന ഓഫർ കോണ്ഗ്രസ് മുന്നോട്ട് വച്ചെങ്കിലും അത് പറ്റില്ലെന്ന നിലപാടാണ് കേരള കോണ്ഗ്രസ് വ്യക്തമാക്കിയത്. രണ്ട് മന്ത്രി സ്ഥാനം വേണമെന്ന നിലപാടാണ് കേരള കോണ്ഗ്രസ് ശക്തമായി ഉന്നയിച്ചത്.
Whatsapp Group 1 | Whatsapp Group 2 |Telegram Group
സഹകരിക്കണം എന്ന് കോണ്ഗ്രസ് ആവശ്യപ്പെട്ടെങ്കിലും കേരള കോണ്ഗ്രസ് അംഗീകരിച്ചിട്ടില്ല. നാളെയും ഉഭയകക്ഷി ചർച്ച തുടരും. നാളെ ഇക്കാര്യത്തില് അന്തിമ തീരുമാനമുണ്ടാകുമെന്നാണ് കോണ്ഗ്രസ് നേതൃത്വത്തിന്റെ പ്രതീക്ഷ.
അതേസമയം മന്ത്രി സ്ഥാനത്ത് ടേം വ്യവസ്ഥയെന്ന കോണ്ഗ്രസ് നിർദ്ദേശത്തില് പാല എം എല് എ മാണി സി കാപ്പനും കടുത്ത അമർഷത്തിലാണ്. ഫുള് ടൈം വേണമെന്ന് മാണി സി കാപ്പൻ നിലപാട് വ്യക്തമാക്കിയിട്ടുണ്ട്. ഇക്കാര്യത്തിലും നാളെ തീരുമാനമായേക്കും.
