തിരുവനന്തപുരം: കാട്ടാക്കടയിൽ പൂക്കടയിലുണ്ടായ തീപിടിത്തത്തില് വൻ നാശനഷ്ടം. കാട്ടാക്കട ജംഗ്ഷന് സമീപം ബിഎസ്എൻഎൽ റോഡിലെ പൂജ സാധനങ്ങൾ വിൽക്കുന്ന കടയുടെ ഗോഡൗണാണ് കത്തി നശിച്ചത്. ഇന്ന് പുലർച്ചെയാണ് വൻ തീപിടിത്തമുണ്ടായത്. പൂക്കടയും സമീപത്തെ കടയും കത്തിനശിച്ചു.
രണ്ട് കോടിയോളം രൂപയുടെ നഷ്ടമുണ്ടായെന്നാണ് പ്രാഥമിക നിഗമനം. ഏഴ് യൂണിറ്റ് ഫയർഫോഴ്സെത്തിയാണ് തീയണച്ചത്. അപകടത്തിൽ ആളപായം ഇല്ല. തീപിടിത്തത്തിന്റെ കാരണം വ്യക്തമല്ല. സംഭവത്തിൽ പോലീസ് കേസെടുത്തു അന്വേഷണം ആരംഭിച്ചിട്ടുണ്ട്.
