കറുകച്ചാലിൽ ഓട്ടത്തിനിടയില്‍ സ്വകാര്യ ബസിന്‍റെ ടയറുകള്‍ ഊരിത്തെറിച്ചു; ബസ് നിരങ്ങി നീങ്ങിയത് 15 അടിയോളം; വൻ അപകടം ഒഴിവായത് തലനാരിഴയ്ക്ക്

കറുകച്ചാല്‍: ഓട്ടത്തിനിടയില്‍ സ്വകാര്യ ബസിന്‍റെ ടയറുകള്‍ ഊരിത്തെറിച്ചു.

വൻ അപകടം ഒഴിവായി. ഇന്നലെ രാവിലെ കറുകച്ചാല്‍-മല്ലപ്പള്ളി റോഡില്‍ വെട്ടിക്കാവുങ്കലിനു സമീപമായിരുന്നു സംഭവം.

കോട്ടയത്തുനിന്നും കായംകുളത്തേക്ക് പോകുകയായിരുന്ന വിനായകബസാണ് അപകടത്തില്‍പ്പെട്ടത്.
പിൻ ഭാഗത്തെ ടയറുകള്‍ ഊരിപ്പോയതിനെത്തുടർന്ന് ബസിന്‍റെ ഒരു ഭാഗം നിലത്തുരഞ്ഞ് 15 അടി നീങ്ങിയാണ് നിന്നത്.

യാത്രക്കാർ നിസാരപരിക്കുകളോടെ രക്ഷപ്പെട്ടു. ഒരു ടയർ സമീപത്തെ റബർതോട്ടത്തിലേക്കു തെറിച്ചപ്പോള്‍ മറ്റേത് മിനിലോറിയില്‍ ഇടിക്കുകയായിരുന്നു.