കൊച്ചി : കളമശേരി സർക്കാർ പോളിടെക്നിക്കിലെ മെൻസ് ഹോസ്റ്റലില് വൻ കഞ്ചാവ് ശേഖരം.
പൊലീസിന്റെ മിന്നല് പരിശോധനയില് 10 കിലോഗ്രാം കഞ്ചാവ് പിടിച്ചെടുത്തു.
3 വിദ്യാർഥികള് അറസ്റ്റിലായി. കൂട്ടാളികള് ഓടി രക്ഷപ്പെട്ടു.
ഹരിപ്പാട് സ്വദേശി ആദിത്യന്, കരുനാഗപള്ളി സ്വദേശി അഭിരാജ്, എന്നിവര്ക്കെതിരെയാണ് പൊലീസ് കേസെടുത്തത്. മറ്റൊരു വിദ്യാർത്ഥി ആകാശിന്റെ മുറിയില് നിന്ന് 1.9 കിലോ കഞ്ചാവ് പിടികൂടി.
Whatsapp Group 1 | Whatsapp Group 2 |Telegram Group
വിദ്യാര്ഥികളില് നിന്ന് രണ്ട് മൊബൈല്ഫോണുംതിരിച്ചറിയല് രേഖകളും പിടിച്ചെടുത്തു.
കേരളത്തെ നടുക്കി കോളജ് ഹോസ്റ്റലിലെ ഇതാദ്യമായാണ് ഇത്രയേറെ കഞ്ചാവ് ശേഖരം പിടികൂടുന്നത്.
ഇന്നലെ രാത്രിയാണ് പൊലീസ് മിന്നല് പരിശോധന നടത്തിയത്. ഓടി രക്ഷപ്പെട്ട മൂന്ന് വിദ്യാർഥികള്ക്കായി തെരച്ചില് തുടരുകയാണ്. രാത്രി തുടങ്ങിയ പരിശോധന ഇന്ന് പുലർച്ചെ നാല് മണി വരെ 7 മണിക്കൂറോളം നീണ്ടു.
റെയ്ഡിനായി ഡാൻസാഫ് സംഘം എത്തുമ്പോള് വിദ്യാർത്ഥികള് കഞ്ചാവ് അളന്ന് തൂക്കി ചെറിയ പായ്ക്കറ്റുകളിലേക്ക് മാറ്റുകയായിരുന്നുവെന്ന് റെയ്ഡിന് നേതൃത്വം നല്കിയ കൊച്ചി നർക്കോട്ടിക് സെല് എസിപി അബ്ദുല്സലാം പ്രതികരിച്ചു. തൂക്കി വില്പ്പനക്കുള്ള ത്രാസ് അടക്കം കണ്ടെത്തി.
