സ്വന്തം ലേഖകൻ
തിരുവനന്തപുരം: വിവാദങ്ങള്ക്കിടയിലും കെ സ്വിഫ്റ്റ് മികച്ച വരുമാനവുമായ് കുതിക്കുന്നു. 30 ബസ്സുകള് മാത്രമാണ് സര്വ്വീസ് തുടങ്ങിയതെങ്കിലും ആദ്യ പത്ത് ദിവസം കൊണ്ട് 61 ലക്ഷം രൂപ വരുമാനം നേടി.
പുതിയ ബസ്സുകളും റൂട്ടും ലഭിക്കുന്നതോടെ വരുമാനത്തില് ഗണ്യമായ ഉയര്ച്ചയുണ്ടാകുമെന്നാണ് വിലയിരുത്തല്. അതേസമയം കെഎസ്ആര്ടിയുടെ റൂട്ടുകള് കെ സ്വിഫ്റ്റിന് കൈമാറുന്നതിനെതിരെ യൂണിയനുകള് രംഗത്തെത്തി.
ഉദ്ഘാടന സര്വ്വീസ് മുതല് ഇതുവരെ ഒരു ഡസനോളം ചെറിയ അപകടങ്ങള്. പുത്തന് ബസ്സുകള്ക്ക് പലതിനും ഇതില് കേടുപാടുകള് പറ്റി. പരിചയക്കുറവുള്ള താത്കാലിക ജീവനക്കാരെ നിയമിച്ചുവെന്നുള്ള ആക്ഷേപം.
Whatsapp Group 1 | Whatsapp Group 2 |Telegram Group
ഇതിനെല്ലാമിടയിലും കെഎസ്ആര്ടിസി സ്വിഫ്റ്റ് യാത്രക്കാരെ ആകര്ഷിച്ച് മുന്നേറുകയാണ്. സര്ക്കാര് അനുവദിച്ച 100 കോടി രൂപ ഉപയോഗിച്ച് വാങ്ങിയ 116 ബസ്സുകളില് 100 എണ്ണത്തിന്റെ രജിസ്ട്രേഷന് ഇതിനകം പൂര്ത്തിയായി. റൂട്ടും പെര്മിറ്റും ലഭിച്ച് 30 ബസ്സുകളാണ് ഇതുവരെ സര്വീസിനിറങ്ങിയത്.
