കോഴിക്കോട്: ബേബി മെമ്മോറിയല് ആശുപത്രിയില് തീപിടിത്തം. ആശുപത്രി കെട്ടിടത്തിൻ്റെ ഒൻപതാം നിലയിലാണ് തീപിടിത്തമുണ്ടായത്. ഫയർ ഫോഴ്സെത്തി തീയണക്കാനുള്ള ശ്രമം തുടരുകയാണ്.
ഒൻപതാം നിലയിലുള്ള എസി പ്ലാൻ്റിനാണ് തീപിടിച്ചത്. രോഗികള് ഇല്ലാത്ത ബ്ലോക്കിലാണ് അപകടമുണ്ടായതെന്നും എല്ലാവരും സുരക്ഷിതരാണെന്നും അധികൃതർ പറഞ്ഞു. മൂന്ന് യൂണിറ്റ് ഫയർഫോഴ്സ് സ്ഥലത്തെത്തി. വലിയ രീതിയില് പുക ഉയരുന്നുണ്ടെങ്കിലും അധികമായി തീ പടർന്നിട്ട് ഇല്ല. ആശങ്ക വേണ്ടെന്ന് അധികൃതർ അറിയിച്ചു.
