എരുമേലിയിൽ പ്രഭാത സവാരിക്കിറങ്ങിയ ആൾ വാഹനമിടിച്ച് മരിച്ചു; ഇടിച്ചത് ശബരിമല ദർശനം കഴിഞ്ഞെത്തിയ അയ്യപ്പ ഭക്തർ സഞ്ചരിച്ച വാഹനം; യുവാവിനെ ഇടിച്ചിട്ട ശേഷം നിർത്താതെ പോയ വാഹനത്തിനായി അന്വേഷണം ആരംഭിച്ച് പൊലീസ്

കോട്ടയം: എരുമേലിയിൽ പ്രഭാത സവാരിക്കിറങ്ങിയ ആൾ വാഹനമിടിച്ച് മരിച്ചു.

Link

Embed

Copy and paste this HTML code into your webpage to embed.

കൊരട്ടി പാലത്തിനു സമീപം ഓട്ടോ ഓടിക്കുന്ന കുറുവാമൂഴി തോന്നിക്കൽ വീട്ടിൽ മജീഷ്(43) ആണ് മരിച്ചത്.

രാവിലെ നടക്കാനിറങ്ങിയതിടെ വാഹനം ഇടിക്കുകയായിരുന്നു. ശബരിമല ദർശനം കഴിഞ്ഞെത്തിയ അയ്യപ്പ ഭക്തർ സഞ്ചരിച്ച തമിഴ്നാട് രജിസ്ട്രേഷനിലുള്ള വാഹനാണ് ഇടിച്ചത്. വാഹനമിടിച്ചിട്ട് നിർത്താതെ പോവുകയായിരുന്നു.

മജീഷിനെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. മൃതദ്ദേഹം കാഞ്ഞിരപ്പള്ളി മേരി ക്യൂൻസ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പൊലീസ് ഉദ്യോഗസ്ഥനായ ജ്യോതിഷിൻ്റെ സഹോദരനാണ് മരിച്ച മജീഷ്. ഇടിച്ച വാഹനം കണ്ടെത്താനുള്ള നടപടികൾ പൊലീസ് ആരംഭിച്ചു.