‘എന്റെ കിത്താബിലെ പെണ്ണ്’ ചിത്രീകരണം ആരംഭിക്കുന്നു

അജയ് തുണ്ടത്തിൽ

മുക്കത്ത് നിന്നും വീണ്ടുമൊരു പ്രണയകഥയുമായി ‘എന്റെ കിത്താബിലെ പെണ്ണ് ‘. ലൗലാന്റ്, സ്‌കൂൾ ഡയറി തുടങ്ങിയ ചിത്രങ്ങൾക്കു ശേഷം എം.ഹാജാമൊയ്‌നു കഥ, തിരക്കഥ, സംഭാഷണമെഴുതി സംവിധാനം ചെയ്യുന്നു. ഫാമിലി സിനിമാസിന്റെ ബാനറിൽ പ്രവാസി റഹീമാണ് നിർമ്മാണം. വളരെ അവിചാരിതമായി കണ്ടുമുട്ടുന്ന പെൺകുട്ടിയെത്തേടി, സ്വന്തം ജോലി പോലും ഉപേക്ഷിച്ച് പുറപ്പെടുന്ന നാസിൽ എന്ന യുവാവിന്റെയും എന്തിനും ഒപ്പം കൂടുന്ന മൂന്ന് സുഹൃത്തുക്കളുടെയും രസകരമായ കഥയാണ് ചിത്രം പറയുന്നത്.

കഥ, തിരക്കഥ, സംഭാഷണം, സംവിധാനം -എം.ഹാജാമൊയ്‌നു, ബാനർ – ഫാമിലി സിനിമാസ്, നിർമ്മാണം – പ്രവാസി റഹിം, ഛായാഗ്രഹണം – പ്രതീഷ് നെന്മാറ, സംഗീതം – എം.ജി.ശ്രീകുമാർ , ഗാനരചന -എം.ഹാജാമൊയ്‌നു, പ്രവാസി റഹിം, പ്രൊ.കൺട്രോളർ- ജയശീലൻ സദാനന്ദൻ, എഡിറ്റിംഗ് – രതീഷ് മോഹൻ, ചീഫ് അസ്സോ: ഡയറക്ടർ -എം എസ് നിഥിൻ, അസ്സോ. ഡയറക്ടർ – സുനിൽ നന്നമ്പ്ര, കല – റിഷി .എം, ചമയം – ബൈജു ബാലരാമപുരം, കോസ്റ്റിയൂം – ശ്രീജിത് കുമാരപുരം, പി ആർ ഓ – അജയ് തുണ്ടത്തിൽ, സ്റ്റിൽസ് -അജേഷ് ആവണി, ഡിസൈൻസ് – പ്രമേഷ് പ്രഭാകർ, ഫിനാൻസ് കൺട്രോളർ-സതീഷ് പൂമംഗലം.

വ്യത്യസ്തമായ ഈ പ്രണയ കഥയിൽ പുതുമുഖം ഹസീം നാസിലും തമിഴ് സൂപ്പർ ഹിറ്റ് ചിത്രം സെയ്ത്താൻ ഫെയിം അരുന്ധതി നായരും നായികാനായകരാകുന്നു. ഹസീം നാസിൽ , അരുന്ധതി നായർ, അഷ്‌ക്കർ സൗധാൻ, ഹരീഷ് കണാരൻ, പാഷാണം ഷാജി, ബാലാജി ശർമ്മ, വി.കെ.ബൈജു, ആൻറണി അറ്റ്‌ലസ്, ഷിജിൽ, പ്രവാസി റഹിം, സാന്ദ്രാ നായർ ( വള്ളിക്കെട്ട് ഫെയിം), റീനാ ബഷീർ എന്നിവരഭിനയിക്കുന്നു.