ഡ്യുവോയും ഗൂഗിള്‍ മീറ്റും ലയിച്ചു; ആന്‍ഡ്രോയിഡ്, ഐ.ഓ.എസ്. അപ്‌ഡേറ്റുകള്‍ വന്നു തുടങ്ങി

ഗൂഗിളിന്‍റെ വീഡിയോ കോളിംഗ് പ്ലാറ്റ്ഫോമുകളായ മീറ്റും ഡ്യുവോയും ലയിക്കുന്നു. സൂം പോലുള്ള സേവനങ്ങളുമായി മത്സരിക്കാൻ വീഡിയോ കോളിംഗ് വിഭാഗത്തെ പ്രാപ്തമാക്കാനാണ് ഗൂഗിളിന്റെ ഈ നടപടി.

ആപ്പിളിന്‍റെ ഫെയ്സ് ടൈമുമായി മത്സരിക്കാനാണ് ഡ്യുവോയെ ആദ്യം അവതരിപ്പിച്ചത്. ഐഫോണുകളിൽ ഫെയ്സ്ടൈം ഉപയോഗിക്കുന്നതുപോലെ ആൻഡ്രോയിഡ് ഒ.എസിന് അനുസൃതമായാണ് ഡ്യുവോ ലഭ്യമാക്കിയത്. അതേസമയം, കോൺഫറൻസുകൾ, മീറ്റിംഗുകൾ, വാണിജ്യ ഉപഭോക്താക്കളുടെ മീറ്റിംഗുകൾ തുടങ്ങിയ ഔദ്യോഗിക ആവശ്യങ്ങൾക്ക് മീറ്റ് ഉപയോഗിച്ചു.

ഈ വർഷം ജൂണിൽ ഗൂഗിൾ രണ്ട് പ്ലാറ്റ്ഫോമുകളും ലയിപ്പിക്കുന്നതായി പ്രഖ്യാപിച്ചു. ഇപ്പോൾ, രണ്ട് ആപ്ലിക്കേഷനുകളെയും ബന്ധിപ്പിക്കുന്ന അപ്ഡേറ്റുകൾ ആൻഡ്രോയിഡിലും ഐഒഎസിലും ലഭ്യമാണ്. ഇത് ഫോണുകളിൽ എത്തിത്തുടങ്ങിയതായാണ് റിപ്പോർട്ട്.