ഡൽഹി: കോക്രോച്ച് ജനതാ പാര്ട്ടി സ്ഥാപകന് അഭിജിത് ദീപ്കേയ്ക്ക് വധ ഭീഷണി.
നീക്കം അവസാനിപ്പിച്ചില്ലെങ്കില് വകവരുത്തുമെന്ന ഭീഷണി സന്ദേശങ്ങള് ദീപ്കേ സാമൂഹികമാധ്യമത്തില് പങ്കുവെച്ചു.
അക്കൗണ്ട് പൂട്ടിയില്ലെങ്കില് വകവരുത്തുമെന്നാണ് ഭീഷണി.
ദീപ്കേയുടെ രക്ഷിതാക്കള് ആശങ്ക അറിയിച്ച് രംഗത്തെത്തി. കോക്രോച്ച് ജനതാ പാർട്ടി എന്ന പേരില് തുടങ്ങിയ ആക്ഷേപ ഹാസ്യ അക്കൗണ്ടുകള് രാജ്യസുരക്ഷയ്ക്ക് ഭീഷണിയെന്ന് രഹസ്യാന്വേഷണ വിഭാഗം കേന്ദ്രസര്ക്കാരിനെ അറിയിച്ചു.
Whatsapp Group 1 | Whatsapp Group 2 |Telegram Group
അരാജകത്വം കൊണ്ട് ജനാധിപത്യത്തെ തകര്ക്കാനാവില്ലെന്ന് ബിജെപി പ്രതികരിച്ചു.
കോക്രോച്ച് ജനതാ പാര്ട്ടിയുടെ സാമൂഹിക മാധ്യമ അക്കൗണ്ടുകള് പൂട്ടുക. നിങ്ങള്ക്ക് പണം കിട്ടും. ബിജെപിയില് ചേരുക. അല്ലെങ്കില് അമേരിക്കയില് വെച്ച് കൊല്ലപ്പെടും.
സാമൂഹിക മാധ്യമമായ എക്സില് അഭിജിത് ദീപ്കേ പങ്കുവച്ച സന്ദേശങ്ങളിലൊന്നിലെ ഭീഷണിയാണിത്. പാര്ട്ടി രൂപീകരിച്ച ശേഷം ഫോണിലൂടെയും സാമൂഹിക മാധ്യമ അക്കൗണ്ടുകളിലൂടെയും നിരന്തരം ഭീഷണി സന്ദേശങ്ങളെത്തുന്നുവെന്നാണ് അഭിജിത് വ്യക്തമാക്കുന്നത്.
വീഡിയോ സന്ദേശമായെത്തിയ ഭീഷണിയും അഭിജിത് പങ്കുവെച്ചു.
